Mateus 8:16 - BIBLIA - traduson antigu in Krioulo

¹⁶ Di tardi e tisi Jesus manga di jinti ku teneba dimoniu. Jesus papia un palabra, i serka dimonius na ki jinti, i kura tudu duentis,

Mateus 8:16 ပူးပေါင်းရင်းမြစ်များ

Saida 15:26

i fala elis: “Si bu pui sintidu diritu pa obi kil ku SIÑOR bu Deus na fala, bu fasi kusa ki bon dianti di si uju, bu pui sintidu pa obi si mandamentus, bu obdisi tudu si ordis, N ka na pui riba di bo nin un di duensas ku N pui riba di Ejitu, pabia ami i SIÑOR ku ta kurau.”

Mateus 12:22

Jinti leba un omi ku teneba dimoniu pa Jesus; i segu, i mudu. Jesus kural; omi torna na oja, i na papia.

Mateus 14:14

Oca Jesus na disimbarka, i oja manga di jinti, i sinti garandi pena delis, i kura duentis na se metadi.

Mateus 8:15

I tokal na mon; na ki ora febri sai nel; i lanta i sirbi elis.

Mateus 8:33

Bakiaduris di purku kuri, e ciga na prasa, e konta tudu e kusas ku pasa ku ki omis ku teneba dimonius.

Mateus 9:2

Jesus oja pa se fe, i fala duenti: “Ten koraẑen, ña fiju; bu pekadu sta ja purdadu.”

Markus 2:3

Kuatru omi karga un omi ku duensi tok i ka pudiba bulbuli kurpu, e leba pa Jesus.

Markus 5:8

I fala asin pabia Jesus na falalba: “Spiritu mau, sai ne omi.”

Markus 9:25

Jesus oja kuma manga di jinti na junta riba delis. I raprindi spiritu mau, i fala: “Spiritu surdu-mudu, i ami ku mandau, sai nel! Ka bu riba mas pa el.”

Lukas 13:12

Oca ku Jesus ojal, i comal pa i bin, i falal: “Minjer, bu sta libri di bu duensa.”

Lukas 4:40

Oca ku sol na kai, tudu kilis ku teneba jinti ku na sufri ku manga di koldadi duensa e leba elis pa Jesus. I pui si mon riba di kada un, i kura elis.

Lukas 4:41

Dimonius tambi fika e na sai na manga delis, e na grita, e na fala: “Abo i Fiju di Deus.” Jesus raprindi elis, i ka disa pa e papia, pabia e sibiba kuma el i Mesias.

Atus 5:15

Asin jinti ta lebaba duentis pa rua; e ta ditandadu na kama o na stera, pa ora ku Pedru na pasa, nin si i pa si sombra kubri utrus.