Mateus 8:13 - BIBLIA - traduson antigu in Krioulo

¹³ Dipus, Jesus fala ki kapiton: “Bai; suma ku bu fia, asin ki na sedu ku bo.” Na ki mesmu ora si kriadu kuradu.

Mateus 8:13 ပူးပေါင်းရင်းမြစ်များ

Eklesiastis 9:7

Bai, bu kume ku alegria; bu bibi bu biñu ku gustu, pabia Deus sta kontenti ku kil ku bu fasi.

Mateus 15:28

Jesus ruspundi, i falal: “E, minjer! Bu fe i garandi! Pa i sedu pa bo suma ku bu misti.” Si fiju san janan na ki mesmu ora.

Mateus 17:20

Jesus fala elis: “Pabia bo fe i pikininu. Ma na bardadi N na konta bos kuma, si bo ten fe, nin si i pikininu suma garan di mostarda, bo ta fala e monti pa i sai di li pa utru ladu; i ta sai. I ka ta ten nada ku bo ka pudi fasi. [

Mateus 8:4

Jesus falal: “Jubi, ka bu konta ningin, ma bai pa saserdoti, bu mostral bu kurpu, bu da Deus oferta ku Moisés manda, pa i pudi sirbi elis di tustumuñu kuma bu sta kuradu.”

Mateus 9:22

Jesus rabida tras, i ojal, i falal: “Ten koraẑen, ña fiju; bu fe kurau.” Na ki ora minjer san.

Markus 7:29

Jesus falal: “Suma ku bu fala asin, bu pudi bai; dimoniu sai ja na bu fiju.”

Markus 9:23

Jesus falal: “Si bu fia. Tudu pudi sedu pa kil ku ten fe.”

Bon Noba di Jesus Kristu ku Jon 4:50

Jesus falal: “Bai, bu fiju na bibu.” Omi fia na palabra di Jesus, i riba.