Mateus 7:6 - BIBLIA - traduson antigu in Krioulo

⁶ “Ka bo da kusa sagradu pa kacur! Nin ka bo pui bo pérolas dianti di purkus. Talves e ta masal, e rabida e ataka bos.

Mateus 7:6 ပူးပေါင်းရင်းမြစ်များ

Ditus 11:22

Minjer bonitu ku ka ten bon juisu i suma joia di uru na naris di purku.

Ditus 23:9

Ka bu papia na oreja di tulu, pabia i na njuti jiresa di bu palabras.

Ditus 26:11

Tulu ku ta ripiti si tulesa i suma kacur ku ta riba pa si ramasadura.

Ditus 26:4

Ka bu ruspundi tulu konformi si tulesa, pa bu ka bin sedu suma el.

Mateus 15:26

Jesus ruspundi, i falal: “I ka bon pa toma kumida di fijus pa botal pa kacuriñus.”

Mateus 24:10

Na ki tempu manga di jinti na disvia, e na falsia ŋutru, e na nfastia ŋutru.

Mateus 7:5

Finjidur, tira purmeru po ku sta na bu uju; dipus bu ta pudi oja diritu pa tira puera na uju di bu ermon.

2 Koríntius 11:26

Na manga di bias ku N fasi, N staba na pirigu di riu, pirigu di bandidus, pirigu di kilis di ña rasa ku di utru rasa, pirigu na prasa, pirigu na matu, pirigu na mar, pirigu na metadi di ermons finjidu.

Filipensis 3:2

Bo toma sintidu ku ki jinti ku ta fasi kusa mau, ki kacuris, ki omis ku ta kuda son na sirmonia di korta kurpu.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Ebreus 6:6

si dipus e bin kai, e ka ta pudi lebadu utru bias pa ripindimentu, pabia ku se mon propi e na krusifika Fiju di Deus utru bias, e na pui pa jinti fasi trosa del.

2 Pedru 2:22

Kil ku kontisi ku elis i ta mostra kuma ditu i bardadi ku fala: “Kacur ta riba pa si ramasadura;” kuma tambi: “Purku labadu i ta riba pa rola na lama.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.