Mateus 7:29 - BIBLIA - traduson antigu in Krioulo

²⁹ pabia i na nsinaba si palabra ku tudu sertesa; i ka ta nsina suma pursoris di lei.

Mateus 7:29 ပူးပေါင်းရင်းမြစ်များ

Eklesiastis 8:4

Suma ku palabra di rei ten otridadi, kin ku na puntal: “Ke ku bu na fasi?”

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Mikeias 3:8

Ma ami, N inci ku forsa di Spiritu di SIÑOR; N sibi ke ki justisa. N ten koraẑen pa konta pobu di Israel se krimis ku pekadus.

Mateus 28:18

Jesus ciga pertu, i fala elis: “N dadu tudu puder na seu ku tera.

Mateus 5:20

N na konta bos, di nin un manera bo ka na yentra na renu di seu si bo ka yanda diritu mas di ki fariseus ku pursoris di lei.

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Mateus 5:32

Ma N na konta bos: tudu omi ku kaba ku si minjer, si i ka pabia i pañal cai, i na pul pa i fasi adulteriu. Kil ku kasa ku minjer ku dispididu, i na fasi adulteriu.

Mateus 5:44

Ma ami, N na fala bos: Bo ama bo inimigu, [bo fala ben pa kilis ku ta fala mal di bos, bo fasi ben pa kilis ku odia bos,] bo ora pa kilis ku ta maltrata bos, e pirsigi bos,

Mateus 7:28

Oca Jesus kaba fala e kusas, manga di jinti fika dimiradu ku si nsinamentu,

Mateus 8:1

Oca Jesus ria na monti, manga di jinti na binba si tras.

Lukas 20:8

Jesus fala elis: “Ami tambi N ka na konta bos kal otridadi ku N ten pa fasi e kusas.”

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Atus 6:10

Spiritu da Stevon garandi jiresa ke ka pudi nguenta pa diskuti ku el.