Mateus 7:2 - BIBLIA - traduson antigu in Krioulo

² pabia manera ku bo julga utrus, asin tambi ku bo na julgadu. Midida ku bo midi ku el, i el ku bo na mididu ku el tambi.

Mateus 7:2 ပူးပေါင်းရင်းမြစ်များ

2 Samuel 21:5

E ruspundi e fala rei: “Ki omi mistiba kaba ku nos pa no ka pudi ojadu na nin un kantu di Israel.

Salmus 109:17

Suma i gosta di maldisua jinti, pa maldison bin riba del! I ka misti da benson; pa benson lunjusi del!

Saida 21:24

uju pa uju, dinti pa dinti, mon pa mon, pe pa pe,

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

Jeremias 34:17

“Asin ami, SIÑOR, N fala: Bo ka obdisin pa da liberdadi, kada kin pa si ermon o si kumpañer. Asin ami, SIÑOR, N na da bos liberdadi — liberdadi pa muri ku spada, duensa o fomi. N na pui pa bo sedu un kusa meduñu dianti di tudu renus di mundu.

Jeremias 51:24

SIÑOR fala: “Na bo dianti N na paga Babilonia, ku tudu moraduris di Kaldeia, tudu se maldadi ke fasi na Sion.

Obadias 1:15

“Dia sta ja pertu ku SIÑOR na julga tudu nasons; suma ku bu fasiba, asin ku bu na fasidu. Bu maldadi na kai riba di bu kabesa.

Mateus 6:14

“Si bo purda kilis ku yara bos, asin tambi ku bo Pape ku sta na seu na purda bos,

Markus 4:24

I fala elis tambi: “Bo para sintidu na kil ku bo na obi. Midida ku bo midi ku el, el ku jinti na midi bos ku el; e na buri inda mas pa bos.

Lukas 6:38

Bo da, bo ta dadu. E ta kambia bos na panu midida incidu, kalkadu, sakudidu, tok i na darma, pabia ku mesmu midida ku bo midi, el ku bo na torna mididu ku el.”

2 Koríntius 9:6

Lembra kuma kil ku sumia puku, i ta oja puku. Kil ku sumia ciu i ta oja tambi ciu.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

Apokalipsi 18:6

Bo torna dal tambi suma ki da bos. Bo pagal dus bias ki kusas ki fasi. Bo inci si kopu ku bibida dus bias mas forti di ki kil ki da bos pa bo bibi.

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.

Ŝefis 5:27

I mpina na pe di Jael, i kai, i dita; i mpina na si pe, i kai; na kau ki mpina, la ki kai, mortu.

1 Samuel 15:33

Samuel falal: “Manera ku bu spada roba minjeris se fijus, asin tambi, suma utru minjeris, bu mame na fika sin fiju.” Samuel sapa Agag padas padas dianti di SIÑOR na Jilgal.