Mateus 7:16 - BIBLIA - traduson antigu in Krioulo

¹⁶ Bo na rapara elis pa se frutu. Nta bo pudi kuji uvas na pe di fidida, o figus na pe di spiñu pretu?

Mateus 7:16 ပူးပေါင်းရင်းမြစ်များ

Ditus 20:11

Te mininu ta kunsidu pa kusas ki ta fasi, si ki kusas i bon i retu.

Mateus 12:33

“Bo ta fala po bon pabia si fruta i bon; o bo ta fala po ka bali pabia si fruta ka bali. I klaru kuma kada po ta kunsidu pa si fruta.

Mateus 7:20

Asin bo ta rapara elis pa se frutu.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Tiagu 2:18

Utru na fala: “Un algin pudi ten fe, utru i ta tarbaja.” Mbon, ki algin pa i mostra si fe sin fasi nada; ami N ta mostrau ña fe ku ña tarbaju.

Tiagu 3:12

Ermons, pe di figu pudi padi azeitona? O pe di uva pudi padi figu? Asin tambi un fonti ka pudi da yagu salgadu ku yagu dos.

1 Samuel 24:13

Suma ku ditu antigu fala: ‘Son jinti mau ku ta pratika mau kusa.’ Asin ña mon ka na sta kontra bo.