Mateus 7:15 - BIBLIA - traduson antigu in Krioulo

¹⁵ “Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Mateus 7:15 ပူးပေါင်းရင်းမြစ်များ

1 Reis 13:18

Omi beju falal: “Ami tambi i anunsiadur suma bo. Un anju bin kontan palabra di SIÑOR, i falan: ‘Tisil ku bo pa bu kasa pa i pudi kume pon, i bibi yagu.’ ” (Ma i na nganalba.)

Jeremias 29:21

Asin ku SIÑOR ku ten tudu puder, Deus di Israel, fala aserka di Akab, fiju di Kolaias, ku Zedekias, fiju di Maaseias, ku na anunsia mintida pa bos na si nomi: ‘N na ntrega elis na mon di Nabukodonosor, rei di Babilonia; i na mata elis bo dianti.

Jeremias 29:32

asin ku ami, SIÑOR, N fala: N na kastiga Semaias di Neelan ku si jorson; i ka na tene ningin na si jorson ku na sinta na metadi de pobu. I ka na oja kusas bon ku N na fasi pa ña pobu, pabia si palabra pui elis disobdisin.” Asin ku SIÑOR fala.

Ezekiel 13:16

ku sedu anunsiaduris di Israel ku anunsiaba aserka di Jerusalen kuma e oja vison di pas pa el, kontra pas ka ten. Asin ku SIÑOR Deus fala.” ’

Ezekiel 13:22

Ku mintida bo pui tristesa na korson di bon jinti ku N ka pui tristesa nelis. Bo da koraẑen pa omi mau pa ka i konverti di si mau kamiñu pa salba si vida.

Ezekiel 22:25

Se ŝefis na ruma planu; e sta suma lion ku na somna riba di limaria ki paña. E ta mata jinti, e toma rikesas ku kusas di balur, e ta buri numeru di viuvas na tera.

Ezekiel 22:27

Se funsionarius sedu suma lubus ku ta rabata limaria ke paña. E ta darma sangi, e mata pa ngaña lukru na tarpasa.

Daniel 11:34

Ora ke kai, e na risibi un bokadiñu di ajuda, ma manga di jinti na junta ku elis ku palabras falsu.

Mikeias 3:11

Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Zakarias 13:4

“Na ki dia, kada un di anunsiaduris na sinti borgoña di si vison ora ki na anunsia, nin i ka na bisti mas ki manta di kabelu tisidu, pa ngana jinti.

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Mateus 16:11

Kuma ku bo ka pudi ntindi kuma N ka na fala bos di pon, ma N na fala pa bo libra di fermentu di fariseus ku saduseus?”

Mateus 16:6

Jesus fala elis: “Bo toma sintidu, bo libra di fermentu di fariseus ku saduseus.”

Mateus 24:11

Manga di anunsiadur falsu na lanta, e na ngana manga di jinti.

Mateus 7:14

ma porton i pikininu, kamiñu i pertadu ku ta bai pa vida; i puku jinti ku ta ojal.

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 6:26

“Koitadi di bos ora ku tudu jinti na ngaba bos, pabia asin ku se papes di antigu fasiba ku anunsiaduris falsu.

Bon Noba di Jesus Kristu ku Jon 10:12

ma mpregadu, kil ki ka bakiadur, karnel i ka di sil, si lubu na bin, i ta kuri, i fika karnel; lubu ta rabata karnel, i pajiga elis.

Atus 13:40

Bo toma sintidu pa ka i bin riba di bos ki kusas ku anunsiaduris fala:

Atus 13:6

E kortela ki jiu te na prasa di Pafus. E kontra ku un jambakus judeu ku comadu Bar-Jesus, ku finji sedu anunsiadur.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

Filipensis 3:2

Bo toma sintidu ku ki jinti ku ta fasi kusa mau, ki kacuris, ki omis ku ta kuda son na sirmonia di korta kurpu.

Kolosensis 2:8

Bo toma sintidu pa ka ningin fasi bos prezu ku si ideias di nganu ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

2 Pedru 3:17

Asin, ña kiridu ermons, suma ku bo jumna bo sibi es, bo toma sintidu pa ka bo kai na bo firmesa, lebadu pa nganu di omis malandru.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 16:13

N oja tris spiritu mau ku parsi sapu ku na sai na boka di dragon, di besta ku di anunsiadur falsu.

Apokalipsi 17:6

N oja kuma ki minjer cami ku sangi di pobu di Deus, ku sangi di kilis ku matadu pabia e da tustumuñu di Jesus. Oca N ojal, N pasma ku garandi dimirason.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.

Apokalipsi 20:10

Diabu ku ngana elis i botadu na lagua di fugu ku nŝofri, nunde ku besta ku falsu anunsiadur sta. E na kastigadu di dia ku di noti pa sempri.