Mateus 6:9 - BIBLIA - traduson antigu in Krioulo

⁹ E ku manda bo dibi di ora asin: ‘No Pape ku sta na seu, no misti pa bu nomi rispitadu,

Mateus 6:9 ပူးပေါင်းရင်းမြစ်များ

2 Samuel 7:26

pa bu nomi pudi sedu garandi pa sempri, pa jinti pudi fala: ‘SIÑOR ku ten tudu puder i Deus riba di Israel.’ Jorson di bu servu Davi na konfirmadu bu dianti.

1 Reis 8:43

la na seu, nunde ku bu ta sinta, bu ta obi, bu fasi tudu ki na pidiu pa bu fasi, pa tudu rasas di mundu pudi kunsi bu nomi, e pudi rispitau suma ku bu pobu Israel ta fasi, pa e pudi sibi kuma bu nomi ta comadu ne kasa ku N kumpu.

1 Kronikas 17:24

Asin bu nomi na sta firmi, i na ngabadu pa sempri. Jinti na fala: ‘SIÑOR ku ten tudu puder, Deus di Israel, el ku sta riba di Israel.’ Renu di bu servu Davi i na sta firmi bu dianti.

2 Kronikas 20:6

i fala: “O SIÑOR, Deus di no papes, nta i ka abo ku sedu Deus na seu? I abo ku ta domina riba di tudu renus ku rasas. Forsa ku puder sta na bu mon; i ka ten kin ku pudi risisti kontra bo.

Neemias 9:5

Levitas Jesua, Kadmiel, Bani, Asabneias, Serebias, Odias, Sebanias ku Petaias e fala: “Bo lanta, bo fala ben di SIÑOR bo Deus ku ka ten kumsada, i ka ten kabantada.” “No misti pa jinti ngaba bu nomi gloriosu, ku sta riba di tudu benson ku lovor.

Salmus 111:9

I bai liberta si pobu; i firmanta si kontratu pa sempri. Si nomi i sagradu, i meduñu.

Salmus 115:3

No Deus sta na seu; i ta fasi tudu suma ki misti,

Salmus 72:18

SIÑOR Deus, Deus di Israel, i mersi ngabadu; i el son ku ta fasi kusas garandi.

Isaias 37:20

Asin, o SIÑOR no Deus, libranu na si mon, pa tudu renus di mundu pudi sibi kuma i abo son, SIÑOR, ku sedu Deus.”

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Isaias 63:16

Ma abo i no Pape, mesmu ku Abraon ku Israel ka kunsinu. Abo, SIÑOR, i no Pape; bu nomi i no Libertadur disna di tempu antigu.

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Isaias 66:1

Asin ku SIÑOR fala: “Seu i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?

Ezekiel 36:23

N na mostra puresa di ña garandi nomi ku bo dana na metadi di nasons. Ami, SIÑOR Deus, N fala kuma elis e na sibi kuma ami N sedu SIÑOR ora ku puresa di ña nomi mostradu se dianti.

Ezekiel 38:23

Asin N na mostra ña garandesa ku ña puresa, N na pui manga di nason pa e kunsin; e na sibi kuma ami i SIÑOR.’

Sirmonias 10:3

Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Abakuk 2:14

Ma mundu na inci ku kuñisimentu di gloria di SIÑOR suma yagu ta kubri mar.

Zakarias 14:9

SIÑOR na sedu rei riba di tudu mundu. I na ten son un SIÑOR; si nomi na sedu un son.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Mateus 10:29

Nta e ka ta bindi dus jamba pa mil pes? Ma nin un delis ka ta kai na con sin bo Pape ka seta.

Mateus 23:9

Ka bo coma ningin na mundu bo pape, pabia un son ki bo Pape, kil ku sta na seu.

Mateus 26:29

N na konta bos, disna di gosi, N ka na bibi mas e biñu di uva te na ki dia ku N na bibi biñu nobu ku bos na renu di ña Pape.”

Mateus 26:42

I bai sugundu bias pa ora, i fala: “Ña Pape, si e kopu ka pudi lunjusi di mi sin N bibil, fasi ke ku bu misti.”

Mateus 5:16

Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Mateus 5:48

Bo sedu pirfitu suma bo Pape ku sta na seu.

Mateus 6:14

“Si bo purda kilis ku yara bos, asin tambi ku bo Pape ku sta na seu na purda bos,

Mateus 6:6

Ma ora ku bu na ora, yentra dentru di bu kuartu, bu fica porta, bu papia ku bu Pape ku ka ta ojadu. Bu Pape ku ta oja kil ku ta fasidu na sigridu i ta bin pagau.

Mateus 7:11

Si abos, ku sedu mau, bo sibi da bo fijus bon kusas, ku fadi bo Pape ku sta na seu ta da bon kusas pa kilis ku pidil!

Lukas 15:18

N na lanta, N bai pa ña pape, N falal: Papa, N peka kontra Deus, kontra bo tambi.

Lukas 15:21

Fiju falal: ‘Papa, N peka kontra Deus, kontra bo tambi. Gosi N ka mersi pa bu coman bu fiju.’

Lukas 2:14

“Gloria pa Deus na lugar mas altu na seu! Pas na tera pa jinti ki kontenti ku elis.”

Bon Noba di Jesus Kristu ku Jon 20:17

Jesus falal: “Ka bu pegan, pabia N ka subi inda pa ña Pape, ma bai pa ña ermons, bu fala elis kuma N na subi pa ña Pape ki bo Pape, ña Deus ki bo Deus.”

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Gálatas 1:1

E karta i di mi, Paulu, apostolu. I ka omi ku coman pa N sedu apostolu, nin e comada ka bin pabia di omi, ma i Jesus Kristu ku coman, ku Deus Pape ku lantandal di mortu.

Gálatas 4:6

Suma ku bo sedu si fijus, Deus manda Spiritu di si Fiju dentru di no korson, ku ta coma: “Deus no Pape.”

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

1 Pedru 1:17

Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

Apokalipsi 4:11

“O Siñor no Deus! Bu mersi risibi gloria ku rispitu ku puder, pabia i abo ku kumpu tudu kusa. Konformi bu vontadi e kumpudu, e sta inda te gosi.”

Apokalipsi 5:12

E na falaba ku vos altu: “Karnel ku matadu i mersidur di risibi puder, rikesa, jiresa, forsa, rispitu, gloria ku lovor.”