Mateus 6:2 - BIBLIA - traduson antigu in Krioulo

² “Asin, ora ku bu na pati simola, ka bu toka tambur bu dianti suma ku finjiduris kustuma ta fasi na kasas di juntamentu ku na rua, pa jinti pudi ngaba elis. Na bardadi N na konta bos kuma e risibi ja se pagamentu.

Mateus 6:2 ပူးပေါင်းရင်းမြစ်များ

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Salmus 37:21

Omi mau ta pista, i ka ta paga, ma omi justu ta sinti pena, i pati.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 20:6

Kada kin na papia aserka di si bondadi, ma omi fiel, kin ku pudi ojal?

Eklesiastis 11:2

Rapati bu nogos ku seti o oitu, pabia bu ka sibi kal mal ku na bin na mundu.

Isaias 10:6

N na mandal kontra un nason ku ka mporta ku Deus, kontra pobu ku N ten raiba del; N dal ordi pa i roba kusa di jinti, i toma rikesa, i masa jinti suma lama na ruas.

Isaias 58:7

Tambi i pa bu rapati bu kumida ku kil ku tene fomi, bu rukuji koitadis refuẑiadu na bu kasa, bu kubri kil ku bu oja i na yanda nun, tambi pa bu ka nega juda bu parentis.

Isaias 9:17

E ku manda SIÑOR ka ta kontenti ku se jovens, nin i ka ta sinti pena di se orfans ku viuvas, pabia elis tudu e ka ta mporta ku Deus, e sedu mau; tudu ke papia i mau. Mesmu asin, si raiba ka kalma, ma si mon sta inda yalsadu.

Oseias 8:1

SIÑOR fala: “Pui boka na korneta pa tokal. Inimigu na bin suma agia kontra kasa di SIÑOR, pabia ña pobu kebra ña kontratu, e ravolta kontra ña lei.

Mateus 15:7

Finjidus! Isaias tenba roson di anunsia di bos, i skirbi kuma Deus fala:

Mateus 16:3

Parmaña bo ta fala: ‘Aos no na tene turbada, pabia seu i burmeju kargadu.’ Bo sibi rapara parsensa di seu, ma bo ka pudi rapara sinalis di tempus.

Mateus 22:18

Jesus ntindi se finjimentu, i fala elis: “Finjidus! Pa ke ku bo na buska pañan?

Mateus 23:5

Tudu ke ta fasi, e ta fasil pa jinti pudi oja elis. E ta mara fita largu na testa ku ta tene palabra di Deus nel, e ta ronka ku ropa franjidu ku tene borla.

Mateus 23:6

E gosta di lugaris di rispitu na festas, ku asentus di dianti na kasas di juntamentu.

Mateus 24:51

I na kastigal risu, i na pul na kau di finjiduris, nunde ke na cora, e na ñeme dinti.

Mateus 5:18

Na bardadi N na konta bos kuma seu ku tera na pasa, ma nin un asentu ka na bin tiradu riba di un letra di lei tementi i ka pudu tudu na pratika.

Mateus 6:16

“Ora ku bo junjuŋa, ka bo mostra tristesa na bo rostu suma finjiduris, pabia e ta mostra tristesa na se rostu pa jinti pudi sibi kuma e na junjuŋa. Na bardadi N na konta bos kuma e risibi ja se pagamentu.

Mateus 6:3

Ora ku bu na da simola, ka bu mon skerda sibi ke ku bu direita na fasi,

Mateus 6:5

“Tambi, ora ku bu na ora, ka bu sedu suma finjiduris, pabia e ta misti ora firmadu na kasas di juntamentu, tambi na skina di ruas, pa jinti pudi oja elis. Na bardadi N na konta bos kuma e risibi ja se pagamentu.

Mateus 7:5

Finjidur, tira purmeru po ku sta na bu uju; dipus bu ta pudi oja diritu pa tira puera na uju di bu ermon.

Markus 12:39

E ta sinta na purmeru lugar na kasas di juntamentu, ku minjor lugar na festas.

Markus 7:6

Jesus ruspundi elis: “Isaias tenba roson oca ki anunsia di bos finjidus, i skirbi kuma Deus fala: ‘E pobu ta ngaban son ku se palabra, ma se korson sta lunju di mi.

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Lukas 11:43

“Koitadi di bos fariseus! Bo gosta di sinta na lugar di rispitu na kasas di juntamentu; bo misti tambi pa bo faladu manteña na prasa.

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 12:56

Finjiduris! Bo sibi rapara sinal di seu ku tera. Kuma ku bo ka sibi gora rapara sinal de tempu?

Lukas 13:15

Siñor ruspundi i falal: “Finjiduris! Nta kada un di bos ka ta dismanca si turu o si buru na dia di diskansu pa bai bibintil?

Lukas 20:46

“Bo toma sintidu ku pursoris di lei, ku gosta di pasia bistidu di ropa kumpridu, ku gosta tambi pa e faladu manteña ku rispitu na prasa. E ta buska sinta na lugar di rispitu na kasas di juntamentu, ku minjor lugar na festas.

Lukas 6:24

“Koitadi di bos ku riku, pabia bo risibi ja bo sabura.

Lukas 6:42

Kuma ku bu pudi fala bu ermon: ‘Ermon, pera N tirau puera ku sta na bu uju’, bu ka oja padas di po ku sta na di bo? Finjidur! Tira purmeru ki po ku sta na bu uju; bu ta pudi oja diritu pa tira puera ku sta na uju di bu ermon.

Bon Noba di Jesus Kristu ku Jon 13:29

ma, suma ku Judas ta rakada diñeru, utrus pensaba kuma Jesus falal pa i kumpra kusa ki pirsis pa festival, o pa i bai da pobris kualker kusa.

Bon Noba di Jesus Kristu ku Jon 5:41

“Ami N ka ta buska pa omis ngaban.

Bon Noba di Jesus Kristu ku Jon 5:44

Kuma ku bo pudi setan si bo na risibi rispitu di ŋutru, bo ka na buska rispitu ku bin di kil ki uniku Deus?

Bon Noba di Jesus Kristu ku Jon 7:18

Kin ku ta papia di si kabesa i ta buska si propi gloria, ma kil ku ta buska gloria di kin ku mandal, es i algin di bardadi. Falsidadi ka sta nel.

Atus 10:2

I seduba omi riliẑiosu ku rispitaba Deus; el ku si familia tudu e ta adoraba Deus di judeus. I ta da ciu pa judeus pobri, i ta oraba Deus sempri.

Atus 10:31

Di repenti i parsi ña dianti un omi ku bisti ropa ku na lampra. I falan: ‘Kornéliu, Deus obi bu orason, i lembra di simolas ku bu ta da pobris.

Atus 10:4

I yabri uju pa anju ku medu, i puntal: “I ke, Siñor?” I ruspundi i falal: “Bu orason ku bu simola i subi dianti di Deus pa lembransa.

Atus 11:29

Krentis konkorda pa kada un delis da konformi i pudi, pa manda juda ermons na fe ku staba na Judeia.

Atus 24:17

“Dipus ku N ten anus fora di Jerusalen, N bin pa tisi simolas pa ña pobu, tambi pa da oferta pa Deus.

Atus 9:36

I staba na Jope un minjer krenti ku comadu Tabita. (Si nomi na lingua gregu i Dorkas, ku signifika gazela.) I pasa si vida na fasi ben; i ta judaba pobris.

Romanus 12:8

Si i pa konsija jinti, nta pa i konsija. Kil ku ta rapati, pa i da ku mon abertu. Kil ku na manda, pa i manda ku forsa di vontadi. Kil ku na juda pobris, pa i fasil ku alegria.

1 Koríntius 13:3

N pudi pati pobris tudu ku N tene; N pudi da ña kurpu propi pa i kemadu, ma si N ka ten amor, N ka na purbita nada.

Gálatas 2:10

E rekumendanu son pa no ba ta lembra di koitadis di igreẑa di judeus. I un kusa ku N buska fasi ku mpeñu.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

1 Tesalonisensis 2:6

No ka buska pa jinti ngabanu, nin abos nin utrus, kontudu no pudiba sedu kargu pa bos, suma apostolus di Kristu.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Filemon 1:7

Ña ermon, bu amor tisin garandi alegria ku konsolason, pabia bu anima korson di pobu di Deus.

Ebreus 13:16

Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

1 Pedru 4:11

Si algin na papia, pa i papia suma ki ntregadu rekadu di Deus. Si algin na sirbi, pa i sirbi konformi forsa ku Deus dal, pa Deus pudi ngabadu na tudu, na nomi di Jesus Kristu, kil ku gloria ku puder pertensi pa tudu sempri. Amen.

1 Samuel 15:30

Saul falal: “N peka, ma rispitan dianti di garandis di ña pobu, ku dianti di Israel; riba ku mi pa N bai adora SIÑOR bu Deus.”