Mateus 6:19 - BIBLIA - traduson antigu in Krioulo

¹⁹ “Ka bo junta bo rikesa ne mundu li, nunde ki ten nel bagabaga ku ferúz ku ta dana tudu, nunde ku ladrons ta koba e furta,

Mateus 6:19 ပူးပေါင်းရင်းမြစ်များ

Jo 24:16

Na sukuru e ta romba kasas ke ta marka di dia; e ka misti nada ku klaridadi.

Jo 31:24

“N ka pui ña speransa na uru, nin N ka fala uru finu: ‘Abo ki ña fiansa.’

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 62:10

Ka bo fiansa na splorason, nin ka bo njata na kusas ku furtadu. Si bo rikesas aumenta, ka bo pui sintidu nel.

Saida 22:2

I ten ku paga tudu. Si i ka tene, i ta bindidu pa pudi paga si furtu. Si limaria ojadu bibu na si mon, ku sedu turu o buru o karnel, i ta paga dus. Si ladron pañadu na fura kasa, i molostadu, i muri, kin ku molostal i ka kulpadu di si mortu, ma si i matadu oca sol mansi ja, kin ku matal i kulpadu.

Ditus 11:4

Rikesas ka bali na dia di raiba, ma vida justu ta libra di mortu.

Ditus 16:16

I muitu minjor pa ten jiresa ku kuñisimentu di ki uru ku prata.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Sofonias 1:18

Nin se prata nin se uru ka na pudi libra elis na dia di raiba di SIÑOR, ma tudu mundu na kabadu ku el ku fugu di si siumi. Di repenti i na kaba ku tudu jinti ku na vivi na mundu.”

Mateus 19:21

Jesus falal: “Si bu misti sedu pirfitu, bai, bindi tudu kil ku bu tene, bu da pobris. Bu ta tene rikesa na seu. Dipus bu ta bin bu sigin.”

Mateus 6:20

ma bo junta bo rikesa na seu, nunde ku bagabaga ku ferús ka ta dana kusa, nunde ku ladrons ka ta koba, e ka ta furta.

Lukas 12:21

Asin ki ta sedu ku algin ku ta junta rikesa pa si kabesa, ma i ka riku dianti di Deus.”

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 12:39

Bo obi e kusa: si dunu di kasa sibiba ora ku ladron na bin, i ta bisiaba, i ka ta disa pa i rombal kasa.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Lukas 18:24

Jesus oja kuma i fika tristi, i fala: “I kansadu pa kilis ku tene rikesa yentra na renu di Deus,

1 Timótiu 6:17

Manda kilis ku riku na kusas de mundu pa ka e sedu garandiosu, nin pa ka e pui speransa na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”