Mateus 5:8 - BIBLIA - traduson antigu in Krioulo

⁸ “Sortiadu i kilis ku tene korson limpu, pabia e na bin oja Deus.

Mateus 5:8 ပူးပေါင်းရင်းမြစ်များ

Kumsada 32:30

Asin Jakó coma nomi di ki kau Peniel pabia i fala: “N oja Deus rostu ku rostu, N fika ku vida.”

2 Samuel 22:27

Pa jinti puru, bu ta mostra kuma abo i puru, ma pa jinti tortu, bu ta mostra kuma abo i risu.

Salmus 15:2

I kil ku ta yanda sin kulpa, i ta fasi kusas ki justu, i ta papia bardadi di si korson;

Salmus 18:26

pa jinti puru, bu ta mostra kuma abo i puru; pa jinti tortu, bu ta mostra kuma abo i risu.

Salmus 24:4

I kil ku tene mon limpu ku korson puru, ku ka ta ntrega si vida pa deus falsu, nin i ka ta jurmenta ku nganu.

Salmus 51:10

O Deus, kria na mi un korson puru; arnoba dentru di mi un spiritu retu.

Salmus 51:6

Bu ta kontenti ku bardadi na korson, bu ta inci ña kabesa ku jiresa.

Salmus 73:1

Na bardadi, Deus i bon pa Israel, pa kilis ku tene korson limpu.

Ditus 22:11

Kil ku ama puresa di korson, ku ta papia palabras sabi, i ta sedu amigu di rei.

Atus 15:9

I ka fasi nin un diferensa entri elis ku nos. Suma e fia, i purifika se korson.

1 Koríntius 13:12

Kil ku no na oja gosi, i suma bo na oja fusku na spiju, ma na tempu ku na bin bin, no na oja kara ku kara. Kil ku N sibi gosi, i son un kusa lebi, ma na ki tempu N na kunsi kusa klaru, suma ku Deus kunsin.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Titu 1:15

Tudu i puru pa jinti puru, ma nada i ka puru pa kilis ki susu, kilis ku ka ten fe, ma se ntindimentu ku se konsiensia sta susu.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 12:14

Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

Tiagu 4:8

Bo ciga pertu di Deus; i ta ciga pa bos. Bo limpa bo mon, abos ku ta fasi pekadu; abos di dus sintidu, bo purifika bo korson.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

Apokalipsi 22:4

E ta oja si rostu; e ta tene si nomi na se testa.