Mateus 5:22 - BIBLIA - traduson antigu in Krioulo

²² Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.

Mateus 5:22 ပူးပေါင်းရင်းမြစ်များ

Kumsada 37:4

Oca si ermons oja kuma se pape amal mas di ki elis tudu, e disgosta del; e ka pudiba ja papia ku el ku pas.

Kumsada 37:8

Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

2 Samuel 16:7

Oca ki na koba Davi, i na fala asin: “Sai! Sai! Omi di sangi! Malvadu!

2 Samuel 6:20

Oca Davi riba pa kasa pa bensua si familia, Mikal, fiju di Saul, sai pa bai kontra ku el, i falal: “Na bardadi, rei di Israel ngaña rispitu aos, manera ki mostra si kurpu dianti di bajudas di si propi servus suma kualker rapas ku ka ten borgoña!”

1 Reis 21:4

Akab fika ku kasabi, i paña raiba, pabia di palabra di Nabot di Jizreel ku falalba: “N ka na dau yardansa di ña papes.” I bai pa kasa, i dita na kama, i vira rostu pa paredi, i nega kume.

2 Kronikas 16:10

Asa paña raiba kontra ki anunsiadur, i manda fical na kalabus, ku pe na tronku, pabia i fika abursidu ku ki palabra. Na ki mesmu tempu i kalka utru jinti ku duresa.

2 Kronikas 19:5

Na tudu prasas fortifikadu di Judá i pui juisis,

Neemias 5:8

N fala elis: “Konformi no pudi, no kumpra no ermons judeu ku bindiduba pa jintius. Nta bo na pui elis pa e bindidu mas? O bo misti bindi elis pa nos?” E kala; e ka teneba nada di fala.

Salmus 109:3

E ta atakan na tudu ladu ku palabras di odiu, sin roson.

Salmus 14:1

Tulus ta fala na se sintidu: “Deus ka ten.” E sta kuruptu, e ta fasi kusas nujenti. I ka ten kin ku ta fasi diritu.

Salmus 25:3

Na bardadi, kilis ku ten speransa na bo e ka na bin pasa borgoña, ma kilis ku sedu falsu sin roson e na ten borgoña.

Salmus 35:19

Kilis ku sedu ña inimigus sin roson, ka bu disa elis ŋuminin, nin ka bu disa kilis ku odian sin roson pa e gozan ku piska uju.

Salmus 37:8

Disa bu raiba, bu bandonal; ka bu fadiga, pabia i na lebau pa mal.

Salmus 49:10

No pudi oja kuma jinti jiru ta muri, suma ku tulu ta muri, ku kil ku ka ten juisu; e ta disa se rikesa pa utru jinti.

Salmus 69:4

Kilis ku ten odiu di mi sin roson e mas ciu di ki kabelus di ña kabesa; Kilis ku misti matan e ten forsa, e sedu ña inimigus pa mintida, tok N ten ku torna kil ku N ka furta.

Salmus 7:4

si N fasi mal pa kil ku ten pas ku mi, (ma N libra kil ku, sin roson, na kansan) —

Salmus 92:6

Brutu ka ta sibi e kusa; tulu ka ta ntindil,

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 18:6

Boka di tulu ta lebal pa jus, tok i ta pidi jinti pa e sutal.

Jeremias 17:11

Algin ku junta rikesas na tarpasa, i suma coka ku ta mborka na ovus ki ka di sil. Ora ku si vida sta na metadi, i ta pirdi ki rikesas; na kabantada i ta tulu.

Miskiñu di Jeremias 3:52

Kilis ku sedu ña inimigus sin roson e montian suma kacu.

Daniel 3:13

Nabukodonosor paña raiba dimas, i manda coma Sadrak, Mesak ku Abednegu. E tisi elis si dianti.

Daniel 3:19

Nabukodonosor paña raiba forti tok si rostu bida utru manera kontra Sadrak, Mesak ku Abednegu. I da ordi pa e kenta furnu seti bias mas di ki kil ke kustuma ta fasiba.

Obadias 1:10

Pabia di violensia ku bu fasi pa bu ermon Jakó, bu na kubridu ku borgoña, bu na kabadu ku el di un bias.

Obadias 1:12

Ma bu ka dibi di njutiba bu ermon na dia ki tiradu na si tera; nin bu ka dibi di fikaba kontenti manera ku fijus di Judá na kastigadu; nin bu ka dibiba di ri na dia di se foronta;

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Mateus 10:28

Ka bo medi kilis ku ta mata kurpu, e ka pudi mata alma, ma bo medi Deus ku pudi mata kurpu ku alma na nfernu.

Mateus 12:24

Fariseus obi ki kusa, e fala: “I ta tira dimoniu son pa puder di Beelzebu, ku sedu ŝef di dimonius.”

Mateus 17:5

Oca i na papia inda, un nuven ku na lampra bin kubri elis. Vos sai na ki nuven ku fala: “Es i ña Fiju ku N kiri ciu. N ten garandi kontentamentu nel. Bo sukutal.”

Mateus 18:21

Pedru bai pa Jesus, i puntal: “Siñor, kantu bias ku N dibi di purda ña ermon si i na peka sempri kontra mi? Te seti bias?”

Mateus 18:35

Asin tambi ku ña Pape ku sta na seu na bin fasi bos si kada un di bos ka purda di korson si ermon.”

Mateus 23:15

“Koitadi di bos, pursoris di lei ku fariseus, finjiduris! Bo ta kamba mar, bo yanda-yanda teras pa pudi ngaña un konvertidu. Dipus di bo ngañal, bo ta fasil mersidur di nfernu dus bias mas di ki bos.

Mateus 23:33

“Serpentis! Jorson di kobras! Kuma ku bo na kapli kondenason di nfernu?

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Mateus 26:59

Ŝefis di saserdoti ku tudu membrus di Konseliu e na buskaba tustumuñu falsu kontra Jesus, pa e pudi ntregal pa i matadu,

Mateus 3:17

Un vos di seu fala: “Es i ña Fiju ku N kiri ciu. N ten garandi kontentamentu nel.”

Mateus 5:34

Ma ami N na konta bos: Di nin un manera ka bo jurmenta, nin pa seu pabia i tronu di Deus;

Mateus 5:44

Ma ami, N na fala bos: Bo ama bo inimigu, [bo fala ben pa kilis ku ta fala mal di bos, bo fasi ben pa kilis ku odia bos,] bo ora pa kilis ku ta maltrata bos, e pirsigi bos,

Markus 14:55

Ŝefis di saserdoti ku tudu jinti di Konseliu e buska tustumuñu kontra Jesus pa e pudi matal, ma e ka oja,

Markus 15:1

Oca sol na mansi, ŝefis di saserdoti junta ku garandis ku pursoris di lei ku tudu membrus di Konseliu, pa filanta ke ke dibi di fasi. E mara Jesus ku korenti, e lebal, e ntrega Pilatus.

Lukas 12:5

N na mostra bos kin ku bo dibi di medi. Bo medi Deus, kil ku, dipus di mata, i ten puder pa bota na nfernu. Sin, N na fala bos, i el ku bo dibi di medi.

Lukas 22:66

Oca ku sol mansi, Konseliu junta, ku sedu garandis di pobu, ŝefis di saserdoti ku pursoris di lei; Jesus lebadu se dianti.

Bon Noba di Jesus Kristu ku Jon 11:47

Dipus, ŝefis di saserdoti ku fariseus fasi un runion, e punta: “Ke ku no na fasi? E omi na fasi manga di milagri.

Bon Noba di Jesus Kristu ku Jon 15:25

I pa i pudi sedu suma ki sta skritu na se lei: ‘E nfastian sin roson.’

Bon Noba di Jesus Kristu ku Jon 7:20

Ki jinti ruspundil: “Bu tene dimoniu! Kin ku misti matau?”

Bon Noba di Jesus Kristu ku Jon 8:48

Ŝefis di judeu ruspundi e puntal: “No ka ten roson di fala kuma abo i samaritanu, bu tene dimoniu?”

Atus 17:18

Utru filósofus, ku ta comadu epikureus ku stóikus, e ta diskutiba ku el. Utrus ta punta: “Ke ku e papiadur misti fala?” Utrus fala: “I parsi kuma i un propagandista di deusis strañu.” E fala asin pabia i na kontaba Bon Noba di Jesus ku resureison di mortu.

Atus 22:30

Sol mansi. Kumandanti misti sibi sertu ke ku judeus na akusa Paulu del; i tiral korenti, i manda pa ŝefis di saserdoti junta ku tudu Konseliu, i leba Paulu, i pul sikidu se dianti.

Atus 23:1

Paulu jubi diritu pa Konseliu, i fala: “Ña ermons, te aos N yanda dianti di Deus ku tudu bon konsiensia.”

Atus 24:20

O e jinti li e pudi konta si e oja un kusa mau na mi oca N sta dianti di se Konseliu,

Atus 4:15

Asin e manda elis pa e sai fora di sala, e papia entri elis,

Atus 5:21

Apostolus obi ke ku anju fala, e bai parmaña sedu na kasa di Deus, e kumsa na nsina jinti. Oca ku ŝef di saserdotis ciga ku si kumpañeris, e manda coma tudu garandis di pobu di Israel pa un juntamentu di Konseliu. E manda guardas pa e bai tisi apostolus na kalabus.

Atus 5:27

E tisi elis, e pursenta dianti di Konseliu. Ŝef di saserdotis kumsa na punta elis, i fala:

Atus 6:12

E cuci pobu ku garandis ku pursoris di lei. E rabata Stevon, e lebal na Konseliu.

Atus 6:15

Tudu ki jinti ku staba sintadu na Konseliu e pui se uju na Stevon, e oja si rostu suma rostu di un anju.

Atus 7:37

I e mesmu Moisés ku fala pobu di Israel: ‘Deus na lantanda bos un anunsiadur suma mi na metadi di bo propi pobu.’

Romanus 12:10

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

1 Koríntius 6:10

Ka bo ngana bo kabesa, pabia kilis di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.

1 Koríntius 6:6

Ma un ermon ta leba si ermon na justisa dianti di kilis ki ka krentis!

Ripitison di Lei 15:11

Sempri i na ten jinti koitadi na metadi di Israel. E ku manda N dau ordi, N falau: Yabri diritu bu mon pa bu ermon ku ten falta, kil ki koitadi na bu tera.

Ripitison di Lei 16:18

Pui juisis ku funsionarius pa kada jorson na porton di tudu prasas ku SIÑOR bu Deus dau, pa e julga pobu ku justisa.

1 Tesalonisensis 4:6

Ne kusa ningin ka dibi di ngana si ermon, nin abusa del, pabia Siñor i vingadur di tudu e kusas, suma ku no konta bos ja, no avisa bos klaru.

Titu 3:2

pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Tiagu 2:20

Abo, omi ku ka ten sintidu, bu misti sibi kuma fe sta mortu si i ka liga ku tarbaju?

Tiagu 3:6

Lingua tambi i un fugu, i un mundu di maldadi. I un parti ku sta na nos ku ta susa tudu no kurpu. I ta yardinti tudu no vida, na no manera di yanda. Lingua propi, i nfernu ku ta sindil ku si fugu.

1 Pedru 2:23

Oca i na kobadu, i ka torna. Oca ki na sufri, i ka fala i na torna, ma i ntrega si kabesa na kil ku ta julga retu.

1 Pedru 3:9

Ka bo torna mal pa mal; ka bo koba kil ku na koba bos. Te pa bo fasi asin, bo torna ku bon palabra di benson, pabia benson i yardansa ku Deus coma bos pa el.

1 Jon 2:9

Kil ku fala kuma i sta na lus ma i nfastia si ermon, te gosi i sta na sukuru.

1 Jon 3:10

I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.

1 Jon 5:16

Si algin oja si ermon na fasi un pekadu ki ka pa mortu, i ta pidi Deus; Deus ta dal vida. Ma i son pa kilis ku fasi pekadu ki ka pa mortu. I ten pekadu ki pa mortu; N ka fala pa bo ora pa el.

Judas 1:9

Ŝef di anjus propi, Migel, oca ki na diskuti ku diabu, e na junda-junda pabia di kurpu di Moisés, i ka osa fala palabra mau pa kondenal, ma i falal: “Siñor ta raprindiu.”

Apokalipsi 20:14

Mortu ku lugar di mortus botadu na lagua di fugu. Ki lagua di fugu i sugundu mortu.