Mateus 5:16 - BIBLIA - traduson antigu in Krioulo

¹⁶ Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Mateus 5:16 ပူးပေါင်းရင်းမြစ်များ

Saida 34:35

e ta oja kuma ku peli di si rostu na lampra. Asin i ta torna kubri rostu ku veu te ora ki yentra mas pa papia ku Deus.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Isaias 58:8

Si bu fasi asin, bu lus na sai suma sol di mandrugada, bu na san kinti-kinti; bu retidon na bai bu dianti; gloria di SIÑOR na sta bu tras pa guardau.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Mateus 23:5

Tudu ke ta fasi, e ta fasil pa jinti pudi oja elis. E ta mara fita largu na testa ku ta tene palabra di Deus nel, e ta ronka ku ropa franjidu ku tene borla.

Mateus 23:9

Ka bo coma ningin na mundu bo pape, pabia un son ki bo Pape, kil ku sta na seu.

Mateus 5:45

pa bo pudi sedu fijus di bo Pape ku sta na seu, pabia i ta fasi pa si sol sai pa jinti mau ku jinti bon; si cuba ta kai riba di jinti justu ku injustu.

Mateus 6:16

“Ora ku bo junjuŋa, ka bo mostra tristesa na bo rostu suma finjiduris, pabia e ta mostra tristesa na se rostu pa jinti pudi sibi kuma e na junjuŋa. Na bardadi N na konta bos kuma e risibi ja se pagamentu.

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Mateus 9:8

Jinti ku rumaba la e oja ki kusa, e fika spantadu, e ngaba Deus manera ki da omis ki puder.

Lukas 11:2

I fala elis: “Ora ku bo na ora, bo fala: ‘Pape, no misti pa bu nomi rispitadu, pa bu renu bin.

Bon Noba di Jesus Kristu ku Jon 15:8

Ña Pape ta glorifikadu si bo padi frutu ciu. Asin bo ta sedu ña disipulus.

Atus 9:36

I staba na Jope un minjer krenti ku comadu Tabita. (Si nomi na lingua gregu i Dorkas, ku signifika gazela.) I pasa si vida na fasi ben; i ta judaba pobris.

1 Koríntius 14:25

sigridus di si korson na bin pa lus. Asin i ta mborka na con, i adora Deus, i diklara: “Na bardadi, Deus sta na bo metadi!”

2 Koríntius 9:13

E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifika Deus; e ta glorifikal tambi pa ki garandi oferta ku bo manda pa elis ku tudu jinti.

Gálatas 1:24

Asin e na da Deus gloria pabia di mi.

Efésius 2:10

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

1 Tesalonisensis 2:12

no ngoda bos pa bo yanda na manera dignu di Deus ku coma bos pa si renu ku si gloria.

1 Timótiu 2:10

ma ku bon obras, suma minjeris ku fala kuma e na sirbi Deus.

1 Timótiu 5:10

ku kunsidu kuma i ta fasi bon obras; ku kria si fijus diritu, ku ta risibi ospris, ku ta laba pe di pobu di Deus, ku ta sakura kilis ku sta forontadu, ku da si vida pa fasi tudu bon obra.

1 Timótiu 5:25

Mesmu manera tambi, bon kusas ku jinti ta fasi e ta ojadu klaru. Nin si e ka klaru, e ka pudi sukundi.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Titu 2:7

Abo propi, bu ten ku sedu isemplu na tudu, ku bon tarbaju ku bu na fasi. Na bu nsinamentu bu ten ku sedu seriu, sinseru;

Titu 3:14

No jinti dibi di buska sibi pui sintidu na bon tarbaju, pa e tene tudu ki pirsis, pa ka e sedu amonton.

Titu 3:4

ma oca ku Deus no Salbadur mostra si bondadi ku si amor pa jinti,

Ebreus 10:24

No pensa na ŋutru, pa disperta ŋutru pa mostra amor, pa fasi bon tarbaju.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

1 Pedru 3:1

Di mesmu manera, abos minjeris, bo baŝa pa bo omis. Asin, si utrus ka seta palabra di Deus, e pudi ngañadu sin palabra, pa bon komportamentu di se minjeris.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

1 Pedru 4:11

Si algin na papia, pa i papia suma ki ntregadu rekadu di Deus. Si algin na sirbi, pa i sirbi konformi forsa ku Deus dal, pa Deus pudi ngabadu na tudu, na nomi di Jesus Kristu, kil ku gloria ku puder pertensi pa tudu sempri. Amen.

1 Pedru 4:14

Si i pabia di nomi di Kristu ku bo kobadu, abos i sortiadu, pabia Spiritu di gloria, ku sedu Spiritu di Deus, sta riba di bos.