Mateus 4:10 - BIBLIA - traduson antigu in Krioulo

¹⁰ Jesus falal: “Sai li, Satanas, pabia i sta skritu: ‘Bu na adora Siñor bu Deus; i el son ku bu na sirbi.’ ”

Mateus 4:10 ပူးပေါင်းရင်းမြစ်များ

1 Kronikas 21:1

Satanas lanta kontra Israel, i cuci Davi pa i fasi resensiamentu.

Jo 1:12

SIÑOR fala Satanas: “Jubi, tudu ki tene i sta na bu mon, ma Jo propi, ka bu pui mon riba del.” Satanas sai dianti di SIÑOR.

Jo 1:6

Un dia, anjus di Deus bai pursenta dianti di SIÑOR; Satanas bai juntu ku elis.

Jo 2:1

Utru bias anjus di Deus bai pursenta dianti di SIÑOR. Satanas bai juntu ku elis pa bai pursenta.

Salmus 109:6

Kuji un malvadu pa i sta kontra ña inimigu; pui kil ku na akusal na si mon direita.

Saida 23:25

Bo na adoran, ami SIÑOR bo Deus; asin N na bensua bo kumida ku yagu. N na tira duensas na bo metadi.

Isaias 30:22

Bu idulus labradu, ku kubridu ku prata, ku bu imaẑens fundidu di uru, bu na tene elis suma kusa nujenti, bu bota elis fora suma panu susu, bu fala elis: “Bo sai di li!”

Mateus 16:23

Jesus rabida i fala Pedru: “Sai ña dianti, Satanas! Bu na disvian di ña kamiñu, pabia bu pensamentu i ka bin di Deus, ma i di omi.”

Markus 1:13

I fika la korenta dia, son ku limarias brabu. Satanas na tentalba. Anjus bin sirbil.

Lukas 10:18

Jesus fala elis: “N oja Satanas suma raiu i kai di seu.

Lukas 11:18

Si Satanas tambi na geria kontra si kabesa, kuma ku si renu pudi firma? Bo fala kuma N ta serka dimonius ku puder di Beelzebu.

Lukas 13:16

E minjer gora, fiju di Abraon, ku Satanas tene prezu disoitu anu, i ka dibi di largadu na dia di diskansu de kusa ku maral?”

Lukas 22:3

Satanas yentra na Judas ku ta comadu Iskariotis, ku seduba un di ki dozi apostolu.

Lukas 22:31

Siñor fala tambi: “Simon, Simon, ali Satanas pidi lisensa pa feki bos suma arus,

Lukas 4:8

Jesus ruspundi, i falal: “I sta skritu kuma bu na adora Siñor bu Deus; son el ku bu na sirbi.”

Bon Noba di Jesus Kristu ku Jon 13:27

Dipus di Judas toma ki padas, Satanas yentra nel. Logu Jesus falal: “Kusa ku bu na fasi, fasil kinti-kinti.”

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Atus 5:3

Pedru puntal: “Ananias, kuma ku bu disa Satanas inci bu korson tok bu konta mintida pa Spiritu Santu, bu guarda parti di pres di terenu?

1 Koríntius 5:5

bo ta ntrega Satanas ki algin, pa kaba ku si kurpu, pa si alma pudi salba na Dia di Siñor.

1 Koríntius 7:5

Bo ka dibi di nega vontadi di ŋutru, son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.

2 Koríntius 11:14

I ka di dimira, pabia Satanas propi i ta finji kuma i sedu anju di lus.

2 Koríntius 12:7

Pa ka N pudi inci di garandesa pabia di kusa garandi ku Deus mostran, N dadu un kusa ku N pudi fala “fidida na ña kurpu”, ku Satanas ta manda pa bofotian, pa ka N pudi yalsa kabesa dimas.

2 Koríntius 2:11

pabia no sibi kal ki si planu mau.

Ripitison di Lei 10:20

Rispita SIÑOR bu Deus; el son ku bu na ciga pa el, bu sirbil; son na si nomi ku bu na jurmenta.

Tiagu 4:7

Asin, bo baŝa pa Deus; bo firma kontra diabu; i ta kuri di bos.

Josué 24:14

“Asin, bo rispita SIÑOR, bo sirbil ku korson limpu, ku bardadi. Bo bota fora ki deusis ku bo papes sirbiba kontra e staba na utru ladu di riu Eufrates tambi na Ejitu; bo sirbi SIÑOR.

1 Pedru 5:9

Bo firma kontra el ku fe; bo lembra kuma bo ermons na pasa mesmu sufrimentu na tudu mundu.

1 Samuel 7:3

Samuel fala tudu pobu di Israel: “Si bo na konverti pa SIÑOR ku tudu bo korson, bo tira astarotis ku utru deusis strañu na bo metadi, bo purpara bo korson pa SIÑOR, bo adoral, el son. Asin i na libra bos na mon di filisteus.”