Mateus 3:7 - BIBLIA - traduson antigu in Krioulo

⁷ Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Mateus 3:7 ပူးပေါင်းရင်းမြစ်များ

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Ditus 28:4

Kilis ku ta bandona lei e ta ngaba omis mau, ma kilis ku ta obdisi lei e ta risisti elis.

Isaias 59:5

E ta kenci ovus di kobra, e tisi teias di araña; kil ku kume se ovus na muri; si un delis kebradu, i na sai un kobra tutu.

Jeremias 51:6

Bo kuri di Babilonia! Kada kin pa i salba si vida. Ka bo muri pabia di si maldadi. Es i tempu di vingansa di SIÑOR; i na kastigal konformi i mersi.

Jeremias 6:10

N ruspundi N puntal: “Ku kin ku N pudi papia pa N avisal? Kin ku na obin? Se orejas ntupi; e ka pudi obi. Palabra di SIÑOR i ofensa pa elis; e ka gosta del.

Mateus 12:24

Fariseus obi ki kusa, e fala: “I ta tira dimoniu son pa puder di Beelzebu, ku sedu ŝef di dimonius.”

Mateus 12:34

Jorson di kobras! Suma bo sedu mau, kuma ku bo pudi papia bon kusa? Boka ta papia kusa ku inci korson tok i na darma.

Mateus 15:12

Si disipulus bin pertu del, e puntal: “Bu sibi kuma fariseus obi e palabra, e fika ofindidu?”

Mateus 16:1

Fariseus ku saduseus bai pa Jesus pa e pudi spurmental. E pidil pa i mostra elis un sinal di seu.

Mateus 16:6

Jesus fala elis: “Bo toma sintidu, bo libra di fermentu di fariseus ku saduseus.”

Mateus 22:15

Utru fariseus fasi un runion, e ruma entri elis kuma ke pudi paña Jesus na si propi palabra.

Mateus 22:23

Na mesmu dia un grupu di saduseus bai pa Jesus, kilis ku ta fala kuma lanta di mortu ka ten. E fasil un purgunta,

Mateus 22:34

Fariseus obi manera ki disa saduseus sin rasposta. E junta, e fasi runion.

Mateus 23:33

“Serpentis! Jorson di kobras! Kuma ku bo na kapli kondenason di nfernu?

Mateus 5:20

N na konta bos, di nin un manera bo ka na yentra na renu di seu si bo ka yanda diritu mas di ki fariseus ku pursoris di lei.

Markus 12:13

E manda utru fariseus ku jinti di partidu di Erodis pa e pañal na kualker palabra.

Markus 12:18

Saduseus, ku fala kuma lanta di mortu ka ten, un dia e bai pa Jesus pa fasil purgunta, e falal:

Markus 8:15

Jesus avisa elis, i fala: “Bo toma sintidu, bo libra di fermentu di fariseus ku fermentu di Erodis.”

Lukas 16:14

Utru fariseus ku gostaba di diñeru, oca ke obi tudu e kusa ku Jesus fala, e fasil trosa.

Lukas 18:11

Fariseu firma na un kau, i na oraba ku si kabesa de manera: ‘O Deus, N ta falau obrigadu, pabia N ka sedu suma utru jinti, ku ta furta, ku ta fasi mal, ku ta kiri minjeris di jinti; nin N ka sedu suma e kobradur di mpustu.

Lukas 7:30

ma fariseus ku pursoris di lei ku ka seta si batismu e nega planu di Deus pa elis.

Bon Noba di Jesus Kristu ku Jon 1:24

Utru jinti ku mandaduba pa bin papia ku Jon e seduba membrus di un grupu riliẑiosu ku comadu fariseus.

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Bon Noba di Jesus Kristu ku Jon 9:40

Utru fariseus ku staba juntu ku Jesus e obi, e puntal: “Nta anos tambi no segu?”

Atus 15:5

Utru krentis di grupu di fariseus lanta, e fala kuma i pirsis pa e sirkunsidadu, tambi pa e mandadu obdisi lei di Moisés.

Atus 20:31

Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

Atus 26:5

E kunsin disna; si e misti, e pudi konta kuma N yanda konformi grupu mas forti di no riliẑion, ku sedu fariseu.

Atus 5:17

Ŝef di saserdotis ku tudu si kumpañeris (kilis di grupu riliẑiosu di saduseus) e tenba nveẑa, e lanta,

Romanus 1:18

Deus mostra si raiba di seu riba di tudu maldadi ku pekadu di omis ku sukundi bardadi na se maldadi.

Romanus 5:9

Suma no ojadu justu pa si sangi, kuma gora ki ka na salbanu di raiba di Deus?

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

1 Jon 3:10

I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.