Mateus 3:2 - BIBLIA - traduson antigu in Krioulo

² “Bo ripindi di bo pekadu, pabia renu di seu sta pertu.”

Mateus 3:2 ပူးပေါင်းရင်းမြစ်များ

1 Reis 8:47

si, na tera ke lebadu katibu pa el, e ripindi, e konverti, e pidiu, e fala: ‘No peka, no yanda mal dimas, no fasi kusas kontra lei,’

Jo 39:12

Bu na fia nel pa i tisi pa kasa kil ku bu sumia, i rukujil na kau di masa?

Jo 42:6

E ku manda N njuti ña kabesa, N ripindi na reia ku sinsa.”

Ezekiel 33:11

Fala elis kuma SIÑOR Deus jurmenta pa si vida, i fala: ‘N ka ta kontenti ku mortu di omi mau, ma N ta misti pa ki algin konverti di si kamiñu pa i bibu. Bo konverti! Bo konverti di bo mau kamiñus! Pobu di Israel, ke ku manda bo misti muri?’

Daniel 2:44

“Na tempu di ki reis, Deus di seu na lantanda utru renu ku nunka ka na danadu. Ki renu ka na pasa pa utru pobu; i na kebra-kebra tudu utru renus, i kaba ku elis. Ki renu na firmantadu diritu pa sempri.

Mateus 10:7

Na kamiñu bo kumsa na konta: ‘Renu di seu ciga.’

Mateus 11:20

Jesus kumsa na raprindi prasas nunde ki fasiba milagris mas ciu, pabia jinti la e ka ripindi. I fala elis:

Mateus 12:41

Na dia di julgamentu jinti di Ninive na bin lanta kontra jinti di aos pa kondena elis, pabia, oca e obi anunsiu di Jonas, e ripindi. Ali un algin li ku sedu mas di ki Jonas.

Mateus 13:11

I ruspundi i fala elis: “Abos bo dadu kuñisimentu di sigridu di renu di seu, ma elis e ka dadu e kuñisimentu.

Mateus 13:24

Jesus da elis utru komparason, i fala: “Renu di seu i suma es ku N na konta bos. Un omi sumia bon simentera na si lugar,

Mateus 13:31

I da elis utru komparason, i fala: “Renu di seu i suma es. Un omi toma simentera di mostarda, i sumial na si lugar.

Mateus 13:33

I da elis utru komparason, i fala: “Renu di seu i suma es. Un minjer toma fermentu, i jagasil ku tris midida di foriña tok i orfa tudu.”

Mateus 13:47

“Tambi renu di seu i suma ridia ku ta botadu na mar, i ta paña tudu koldadi pis.

Mateus 13:52

I fala elis: “E ku manda tudu pursor di lei ku bida alunu di renu di seu i suma un omi, ŝef di familia, ku ta tira na si armazen kusas nobu ku beju.”

Mateus 18:23

“E ku manda renu di seu i pudi komparadu de manera: I tenba un rei ku misti fasi konta ku si tarbajaduris.

Mateus 20:1

“Renu di seu i asin. Un omi ku teneba ortas i sai mandrugada pa bai buska tarbajaduris pa si orta di uva.

Mateus 22:2

“Renu di seu i asin: Un rei fasi festa di kasamenti di si fiju.

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Mateus 25:1

“Renu di seu i na sedu asin: I tenba des bajuda ku toma se kanderus, e sai pa bai da noivu kontrada.

Mateus 25:14

“Asin tambi, renu di seu i suma un omi ku na bai bias pa fora di si tera. I coma si tarbajaduris, i nkarga elis di si rikesa.

Mateus 4:17

Disna di ki ora Jesus kumsa na konta palabra di Deus, i na fala: “Bo ripindi, pabia renu di seu ciga.”

Mateus 4:23

Jesus na yandaba na tudu parti di Galileia, i na nsinaba na kasas di juntamentu, i na kontaba Bon Noba di renu, i na kuraba jinti di tudu se duensa ku molostus.

Mateus 5:10

“Sortiadu i kilis ku na sufri pirsigison pabia di yanda suma ku Deus misti; e na ten parti na renu di seu.

Mateus 5:3

“Sortiadu i kilis ku ta koitanda dianti di Deus, pabia e na ten parti na renu di seu.

Mateus 6:10

pa bu renu bin, pa bu vontadi fasidu na tera suma na seu.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Markus 1:15

“Tempu ciga ja. Renu di Deus sta ja pertu. Bo ripindi di bo pekadu, bo fia na Bon Noba.”

Markus 1:4

Asin un omi ku comadu Jon i parsi na lala, i na batisa jinti, i na konta elis palabra di Deus, i fala: “Bo ripindi di bo pekadu, bo batisa; Deus ta purda bo pekadu.”

Markus 6:12

Disipulus bai, e konta jinti, e fala elis pa e ripindi di se pekadu.

Lukas 1:16

I na pui manga di fiju di Israel riba pa Siñor se Deus.

Lukas 11:20

Ma si i ku dedu di Deus ku N ta serka dimonius, bo pudi sibi sertu kuma renu di Deus ciga pa bos.

Lukas 13:3

N na fala bos nau; ma abos, si bo ka ripindi, abos tudu bo na muri na mesmu manera.

Lukas 13:5

N na fala bos nau, ma si bo ka ripindi, abos tudu bo na muri na mesmu manera.”

Lukas 15:10

N na konta bos kuma, asin ki ta ten alegria na metadi di anjus di Deus pa un algin di mau nomi ku ripindi.”

Lukas 15:7

N na konta bos kuma, asin ki ta ten alegria na seu pa un algin di mau nomi ku ripindi, mas di ki pa noventa i novi jinti justu ku ka pirsisa di ripindi.

Lukas 16:30

I falal: ‘Nau, ña pape Abraon, ma si un algin ku muri lanta i bai pa elis, e ta ripindi.’

Lukas 21:31

Asin tambi abos, si bo oja e kusas na kontisi, bo ta sibi kuma renu di Deus pertu.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Lukas 6:20

Dipus i rabida, i jubi si disipulus, i fala: “Abos koitadis, bo sortiadu, pabia bo na ten parti na renu di Deus.

Lukas 9:2

I manda elis pa e bai konta di renu di Deus, pa kura duentis tambi.

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 17:30

Na ki tempu ku pasa, Deus fica uju pa se falta di kuñisimentu, ma gosi i da ordi pa tudu omis na tudu lugar pa e ripindi,

Atus 2:38

Pedru fala elis: “Bo ripindi, kada un di bos, bo batisadu na nomi di Jesus Kristu, pa bo pekadu pudi purdadu. Asin bo ta risibi Spiritu Santu ku Deus na da bos,

Atus 20:21

N splika klaru pa judeus ku gregus kuma e ten ku konverti pa Deus ku fe na no Siñor Jesus.

Atus 26:20

ma N bai purmeru pa jinti di Damasku, dipus pa jinti di Jerusalen, ku tudu tera di Judeia, tambi pa jintius, N konta elis pa e ripindi, e konverti pa Deus, e yanda na manera ku ta mostra se ripindimentu.

Atus 3:19

Asin, bo ripindi, bo konverti, pa bo pekadu limpadu, pa Siñor da bos tempu di arnobason,

2 Koríntius 7:10

Tristesa ku bin di Deus i ta tisi mudansa di korson ku ta da salbason, ku ningin ka ta fika ripindidu del, ma tristesa di mundu ta tisi mortu.

Kolosensis 1:13

El i kaplintinu di puder di sukuru; i kambantanu pa renu di si Fiju amadu,

2 Timótiu 2:25

mansu pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

Ebreus 6:1

Asin no ten ku disa kumsada di nsinamentu aserka di Kristu, no bai dianti pa nsinamentu mas kompletu. Ka no torna pui alisersu di ki purmeru nsinamentu, di ripindi di kusas ku no ta fasi ku ta tisi mortu, di fe na Deus,

2 Pedru 3:9

Siñor ka ta tarda ku kusa ki purmiti, suma utrus ta oja kuma i ta tarda, ma i pasenseru nan ku bos; i ka misti pa ningin pirdi, ma pa tudu pudi ripindi.

Apokalipsi 2:21

N dal tempu pa i ripindi, ma i nega disa peka ku omis.

Apokalipsi 2:5

Lembra di ki kau altu ku bu kai nel. Ripindi, bu fasi suma ku bu ta fasiba na kumsada. Si i ka asin, N ka na tarda N na bin pa bo, N na tira bu kanderu na si lugar, si bu ka ripindi.