Mateus 3:10 - BIBLIA - traduson antigu in Krioulo

¹⁰ Mancadu sta ja pruntu pa korta arvuris pa rais. Tudu arvuri ku ka ta padi bon fruta i ta kortadu, i botadu na fugu.

Mateus 3:10 ပူးပေါင်းရင်းမြစ်များ

2 Samuel 23:7

Algin ku na toka nel i ten ku usa feramentu o kañaku; e na kemadu ku fugu na kau ke sta nel.”

Salmus 1:3

I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

Salmus 140:10

Pui brasas di fugu pa i kai riba delis, pa e botadu na fugu, na kobas fundu, nunde ke ka pudi torna sai.

Salmus 92:12

Justus na lanta ku saudi suma palmera, e na kirsi suma sedru di Líbanu.

Isaias 27:11

Ora ku si ramus seku, e ta kebradu; minjeris ta bin kuji elis pa leña, pabia e pobu ka ta ntindi. Pabia di kila, kil ku kumpu elis, i forma elis, i ka na sinti pena delis, nin i ka na mostra elis nin un fabur.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 17:8

I na sedu suma arvuri ku parantadu lungu di yagu, ku ta larga si rais pa riusiñu; i ka ta sinti medu ora ku kalur na bin, ma si foja ta fika sempri nobu. Na anu ku cuba ka cubi, i ka ta fika kansadu, nin i ka ta disa di padi fiju.”

Daniel 4:14

i papia risu, i fala: ‘Bo bati arvuri, bo korta si ramus, bo tira si fojas, bo pajiga si fruta, bo serka ki limarias bas del, ku kacus na si ramus,

Malakias 4:1

SIÑOR ku ten tudu puder fala: “Jubi, ki dia na bin, i na yardi suma furnu. Tudu jinti orgulyosu ku tudu kilis ku ta fasi mal e na sedu suma paja; ki dia ku sta pa bin na kema elis, tok e ka na disadu nin se rais, ku fadi ramu.

Mateus 21:19

I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan.

Mateus 7:19

Tudu arvuri ku ka na da bon fruta i na kortadu, i botadu na fugu.

Lukas 23:31

Si e trata madera verdi de manera, ke ku na sedu ku ki seku?”

Lukas 3:9

Mancadu pudu ja na rais di pos. Tudu po ku ka da bon fruta, i na kortadu, i botadu na fugu.”

Bon Noba di Jesus Kristu ku Jon 15:2

I ta korta tudu ramu ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

Bon Noba di Jesus Kristu ku Jon 15:6

Kin ku ka sta na mi i na botadu fora, suma ramu; i ta seku. E koldadi i ta kujidu, i botadu na fugu pa i kema.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 6:8

ma con ku ta pruduzi pe di spiñu ku paja brabu i ka bali nada. I pertu pa Deus maldisual; na kabantada i na kemadu.