Mateus 27:51 - BIBLIA - traduson antigu in Krioulo

⁵¹ Kurtina di kasa di Deus findi na dus padas, di riba pa bas. Tera tirmi, pedras rebenta.

Mateus 27:51 ပူးပေါင်းရင်းမြစ်များ

2 Kronikas 3:14

I kumpu kurtina di lan azul, purpura ku burmeju, ku liñu finu, ku kirubins diseñadu nel.

Salmus 18:15

SIÑOR, oca ku bu raprindi inimigus, oca tambi ki folgu forti rebenta na bu naris, kau fundu di mar ojadu, alisersus di mundu diskubridu.

Salmus 18:7

Asin, con bulbuli, i tirmi; alisersus di montis balansa, e tirmi, pabia Deus staba ku raiba.

Saida 40:21

I leba arka pa tenda, i pindra kurtina pa kubri arka, suma ku SIÑOR da ordi.

Isaias 25:7

Ne monti i na kaba ku nuven ku sta riba di tudu rasas, ki veu ku ta kubri tudu nasons.

Sirmonias 16:2

SIÑOR fala Moisés: “Konta bu ermon Aron pa i ka yentra na kualker ora ki misti na kau mas sagradu, pa dentru di kurtina, dianti di kubertura di miserikordia ku sta riba di arka di kontratu, pa ka i muri, pabia i la ku N ta parsi na nuven, riba di kubertura di miserikordia.

Sirmonias 21:23

ma, pabia di si difeitu, i ka pudi ciga pertu di kurtina, nin di altar, pa i ka dana puresa di ña kau sagradu. Ami i SIÑOR ku ta fasi elis sagradu.”

Abakuk 3:10

Montañas ojau, e tirmi. Korentis di yagu e kuri pa bai; Yagu bas di con somna ku forsa; i pui maron garandi lanta.

Abakuk 3:13

Bu sai pa salba bu pobu, pa libra kil ku bu unji. Bu kastiga ŝef di kasa di omi mau; bu kaba ku tudu si jinti. Sela

Numerus 4:5

Ora ku pobu na lanta pa sai na un kau di kampamentu, Aron ku si fijus e na bin tira kurtina di kau mas sagradu, e na kubri arka di kontratu ku el.

Mateus 27:54

Kapiton ku utru soldadus ku na guardaba Jesus, oca ke oja con tirmi, ku kusas ku kontisi, e sinti garandi medu, e fala: “Na bardadi, e omi seduba Fiju di Deus!”

Mateus 28:2

I tenba un garandi tirmidura di tera, pabia un anju di Siñor disi di seu, i bai, i rola ki pedra pa ladu, i sinta riba del.

Markus 15:38

Kurtina di kasa di Deus rumpi dus padas di riba pa bas.

Lukas 23:45

Kurtina di kasa di Deus rumpi na metadi.

Lukas 23:47

Kapiton di guarda oja kil ku kontisi. I ngaba Deus, i fala: “Na bardadi e omi i seduba justu.”

Ebreus 6:19

No ten e speransa suma feru di fundia ku ta sugura no alma firmi. I ta yentra te dentru di kurtina di seu

Ebreus 9:3

Pa tras di sugundu kurtina i sta un lugar ku comadu lugar mas sagradu di tudu,

Apokalipsi 11:13

Na ki mesmu ora con tirmi ku forsa; desimu parti di prasa kai. Ku ki tirmidura di con seti mil jinti muri. Kilis ku fika e medi tok e da gloria pa Deus di seu.

Apokalipsi 11:19

Templu di Deus na seu yabridu; i ojadu arka di si kontratu dentru di templu. I kumsa fasi relampagu, ku baruju di turbada; con tirmi; garandi cuba di pedra di jelu kai.