Mateus 26:45 - BIBLIA - traduson antigu in Krioulo

⁴⁵ I riba mas pa si disipulus, i punta elis: “Bo na durmi inda, bo na diskansa? Bo jubi, ora ciga ja; Fiju di omi na ntregadu na mon di omis mau.

Mateus 26:45 ပူးပေါင်းရင်းမြစ်များ

1 Reis 18:27

Oca me-dia toka, Elias kumsa na fasi elis trosa, i fala: “Bo grita mas risu, pabia el i deus. Talves i na papia ku algin, o i sta okupadu, o i bai bias; o talves i na durmi, i ten ku kordadu!”

Eklesiastis 11:9

Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Mateus 26:18

I ruspundi elis: “Bo bai pa prasa, pa kasa di tal fulanu, bo ta falal: ‘Mestre manda falau kuma si tempu pertu. Na bu kasa ki misti guarda festival di Paskua ku si disipulus.’ ”

Mateus 26:2

“Bo sibi, li pa dus dia i festival di Paskua. Fiju di omi na bin ntregadu pa i krusifikadu.”

Mateus 26:44

I torna disa elis, i bai terseru bias pa ora, i ripiti mesmu palabra.

Mateus 26:46

Bo lanta, no bai. Ali kil ku na falsian ciga ja.”

Markus 14:35

I bai mas dianti un bokadu, i kai mborkadu na con, i pidi si Pape, si i pudi sedu, pa i libral di ki ora.

Lukas 22:53

N ta staba ku bos tudu dia na kasa di Deus; nunka bo ka pui mon na mi, ma es i bo ora; i sukuru ku ten ja forsa.”

Bon Noba di Jesus Kristu ku Jon 12:23

Jesus ruspundi elis: “Ora ciga pa Fiju di omi sedu glorifikadu.

Bon Noba di Jesus Kristu ku Jon 12:27

“Gosi ña alma sta ku kasabi dimas. Ke ku N na fala? O nos N na fala: ‘Pape, salban de ora li’? Ma i pa e ora ku N bin mundu.

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 17:1

Jesus papia e kusas; i yalsa uju pa seu, i fala: “Pape, ora ciga. Glorifika bu Fiju pa bu Fiju pudi glorifikau tambi,