Mateus 26:32 - BIBLIA - traduson antigu in Krioulo

³² ma dipus di N lanta di mortu, N na bai bo dianti pa Galileia.”

Mateus 26:32 ပူးပေါင်းရင်းမြစ်များ

Mateus 16:21

Disna di ki ora Jesus kumsa na mostra si disipulus kuma i pirsis pa i bai Jerusalen, i bai sufri ciu na mon di garandis, ku ŝefis di saserdoti ku pursoris di lei, pa i matadu, i lantandadu di mortu dipus di tris dia.

Mateus 20:19

E na ntregal na mon di jinti ki ka judeu. E na fasil trosa, e na sutal, e pregal na krus, ma dipus di tris dia i na lantandadu di mortu.”

Mateus 26:33

Pedru ruspundi i falal: “Nin ku tudu disau, ma ami, nunka N ka na disau.”

Mateus 28:10

Jesus fala elis: “Ka bo medi. Bo bai fala ña ermons pa e bai pa Galileia; la e na ojan.”

Mateus 28:16

Si onzi disipulu bai pa Galileia, pa monti ku Jesus mostraba elis.

Markus 14:28

Dipus ku N lantandadu di mortu, N na bai bo dianti pa Galileia.”

Markus 16:7

Bo bai, bo fala si disipulus, ku Pedru, kuma el i na bai bo dianti pa Galileia. La bo na ojal suma ki falaba bos.”

1 Koríntius 15:6

dipus, mas di kiñentus ermon ojal di un bias. Mas parti delis sta bibu inda, ma utrus muri ja.