Mateus 26:27 - BIBLIA - traduson antigu in Krioulo

²⁷ Dipus, i toma kopu, i fala Deus obrigadu, i da elis, i fala: “Abos tudu, bo bibi nel,

Mateus 26:27 ပူးပေါင်းရင်းမြစ်များ

Salmus 116:13

N na toma kopu di salbason, N coma nomi di SIÑOR.

Kantiga di Salomon 5:1

Ña irma, ña noiva, N bin ja pa ña jardin, N kuji ña mira ku ña purfumus; N kume ña bagus di mel, N bibi ña biñu ku liti. Bo kume, amigus, bo bibi ciu, amadus.

Kantiga di Salomon 7:9

Bu boka ta sedu suma bon biñu. Pa ki biñu bai santadu pa ña amadu; i ta pasa riba di bis ku dinti.

Isaias 25:6

Ne monti SIÑOR ku ten tudu puder na purpara pa tudu nasons un festa di kumida riku, un festa ku biñu beju, ku karni gurdu ku biñu mas puru.

Isaias 55:1

“Abos tudu ku tene sedi, bo bin toma yagu; abos ku ka tene diñeru, bo bin kumpra, bo kume. Sin, bo bin kumpra biñu ku liti sin paga nada.

Mateus 15:36

I toma ki seti pon ku pis, i fala Deus obrigadu, i kebra elis, i ntrega si disipulus. Elis e ntrega jinti.

Mateus 26:26

Oca e na kume, Jesus toma pon, i ora riba del, i kebral, i da si disipulus, i fala: “Bo toma, bo kume; es i ña kurpu.”

Mateus 26:28

pabia es i ña sangi, sangi di [nobu] kontratu, ku darmadu pa manga di jinti, pa purdon di pekadus.

Lukas 22:20

Di mesmu manera, dipus di sia, i toma kopu, i fala: “E kopu i nobu kontratu seladu ku ña sangi ku darmadu pa bos.

1 Koríntius 10:16

Kopu ku no usa na Sia di Siñor, ku no ta fala Deus obrigadu pa el, si no bibi nel no na toma parti di sangi di Kristu. Pon tambi ku no ta kebra, si no kumel no na toma parti di kurpu di Kristu.

1 Koríntius 11:28

E ku manda, kada un dibi di jubi si korson purmeru; dipus i ta kume pon, i bibi na kopu,