Mateus 26:13 - BIBLIA - traduson antigu in Krioulo

¹³ Na bardadi N na konta bos kuma, na tudu parti di mundu ku e Bon Noba na kontadu, kusa ku e minjer fasi i na kontadu tambi pa si lembransa.”

Mateus 26:13 ပူးပေါင်းရင်းမြစ်များ

Salmus 112:6

Nunka i ka na bulbulidu; un omi justu na lembradu pa sempri.

Isaias 52:9

Kaus ku danadu na Jerusalen, bo junta, bo rebenta ku kantiga di kontentamentu, pabia SIÑOR konsola si pobu, i liberta Jerusalen.

Mateus 24:14

E Bon Noba di renu i na kontadu na tudu mundu pa sedu tustumuñu pa tudu rasa. Dipus, fin na ciga.”

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Markus 13:10

Ma antis di kila, i pirsis pa Bon Noba kontadu pa tudu rasa.

Markus 14:9

N na konta bos bardadi kuma, na tudu parti di mundu ku Bon Noba na kontadu, kusa ku e minjer fasi i na kontadu tambi, pa si lembransa.”

Markus 16:15

I fala elis: “Bo bai pa tudu mundu, bo konta Bon Noba pa tudu jinti.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Atus 10:4

I yabri uju pa anju ku medu, i puntal: “I ke, Siñor?” I ruspundi i falal: “Bu orason ku bu simola i subi dianti di Deus pa lembransa.

Romanus 10:18

Ma N na punta: Nta e ka obi? Sertamenti e obi. “Se vos sai pa tudu tera; se palabra bai te na kau mas lunju di mundu.”

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

Kolosensis 1:6

suma tambi ki bai pa tudu mundu. Na tudu parti i na kirsi, i na da frutu, suma na bo metadi tambi, disna di dia ku bo obi di grasa di Deus, bo rapara kuma i bardadi.

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Apokalipsi 14:6

N oja utru anju ku na bua la riba. I teneba rekadu di Bon Noba ku ka ta kaba pa konta kilis ku mora na tera, pa tudu nason, rasa, lingua ku pobu.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.