Mateus 25:21 - BIBLIA - traduson antigu in Krioulo

²¹ Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:21 ပူးပေါင်းရင်းမြစ်များ

Ditus 14:35

Rei ta kontenti ku ŝef jiru, ma i ta paña raiba ku kil ku ka ta tarbaja diritu.

Ditus 28:20

Omi fiel i ta incidu ku bensons, ma kil ku janti pa sedu riku i ka na kapli kastigu.

Mateus 24:45

“I tenba un servu jiru, di fiansa, ku si patron pui riba di utru servus di kasa, pa i pudi da elis se kumida na ora sertu.

Mateus 24:47

Na bardadi N na konta bos, i na nkargal di tudu kusas ki tene.

Mateus 25:23

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:46

“Esis na si skerda e na bai pa kastigu ku ka ta kaba, ma jinti justu na bai pa vida ku ka ta kaba.”

Lukas 12:44

Na bardadi N na fala bos, i na nkargal di tudu kusa ki tene.

Lukas 16:10

Kil ki fiel na kusasiñu, tambi i ta sedu fiel na kusa garandi. Kil ki malandru na kusasiñu, tambi i ta malandru na kusa garandi.

Bon Noba di Jesus Kristu ku Jon 12:26

Kin ku na sirbin pa i sigin. Nunde ku N sta nel, ña servu na sta la tambi. Si algin sirbin, ña Pape na onral.

Bon Noba di Jesus Kristu ku Jon 14:3

Si N bai purpara bos lugar, N na bin utru bias, N na leba bos pa mi propi, pa nunde ku N sta nel, bo ta sta la tambi.

Bon Noba di Jesus Kristu ku Jon 17:24

Pape, kilis ku bu dan, N misti pa e sta juntu ku mi na kau ku N sta nel, pa e oja ña gloria ku bu dan, pabia bu aman antis di mundu kumpudu.

Romanus 2:29

ma judeu i kilis ku sedu dentru delis, ku ten se korson purifikadu. I kusa di Spiritu, i ka di letra. Ki koldadi, i ka omi ku na ngaba elis, ma i Deus.

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

2 Koríntius 5:9

Kusa ku no mas misti i pa no agradal, tantu na kurpu suma dipus di no muri,

Filipensis 1:23

Di tudu dus ladu N na jundadu. N ten diseẑu di disa e vida pa N sta ku Kristu, pabia i mas minjor,

1 Timótiu 3:13

Diákunus ku ta fasi se tarbaju diritu, e ta ngaña lugar di rispitu, e ta pudi papia ku fiansa aserka di se fe na Kristu Jesus.

2 Timótiu 2:12

Si no fika firmi, tambi no na rena ku el. Si no negal, el tambi i na neganu.

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.

Apokalipsi 3:21

Kil ku vensi, N ta disal i sinta juntu ku mi na ña tronu, suma ku ami N vensi, N sinta ku ña Pape na si tronu.

Apokalipsi 7:17

pabia Karnel ku sta na tronu i na sedu se bakiadur; i na leba elis pa fontis di yagu ku ta da vida. Deus na limpa larma tudu na se uju.”