Mateus 24:6 - BIBLIA - traduson antigu in Krioulo

⁶ Bo na obi baruju di gera pertu, ku noba di gera lunju, ma ka bo panta, pabia e kusas ten ku kontisi, ma inda i ka fin di mundu.

Mateus 24:6 ပူးပေါင်းရင်းမြစ်များ

Salmus 112:7

I ka na ten medu di notisia mau; si korson sta firmi, ku fiansa na SIÑOR.

Isaias 12:2

Na bardadi, Deus i ña salbason; N na fiansa, N ka na medi, pabia SIÑOR Deus i ña forsa, el i ña kantiga, gosi i sedu ña salbason.”

Isaias 7:4

Falal: ‘Toma sintidu, bu keta; ka bu medi, nin ka bu disanima pabia di fugu di raiba di Rezin ku si jinti di Siria, ku fiju di Remalias, pabia e sta suma dus padas di leña ku na fuma.

Jeremias 47:6

“Abos bo fala: ‘O spada di SIÑOR! kal dia ku bu na bin diskansa? Riba pa bu baiña, bu diskansa, bu keta!’

Ezekiel 21:28

“Abo, fiju di omi, anunsia, bu konta kuma SIÑOR Deus fala aserka di fijus di Amon ku se nsultus: ‘Un spada, un spada tiradu di si baiña, pulidu pa mata, pa lampra suma raiu!

Mateus 2:3

Oca Rei Erodis obi ki purgunta, i fika tarpajadu, ku tudu jinti di Jerusalen tambi.

Mateus 24:14

E Bon Noba di renu i na kontadu na tudu mundu pa sedu tustumuñu pa tudu rasa. Dipus, fin na ciga.”

Mateus 26:54

Ma de manera kuma ku Skritura pudi pudu na pratika ku fala kuma asin ki ten ku sedu?”

Lukas 21:19

Bo fika firmi, bo na sedu salbu.

Lukas 21:9

Ora ku bo obi kuma gera ten, jinti na lanta kontra gubernus, ka bo medi. E kusas ten ku kontisi purmeru, ma i ka kuma fin ciga ja.”

Lukas 22:37

pabia N na konta bos, i pirsis pa i sedu na mi kil ku sta skritu, kuma: ‘I juntadu ku kilis ku na fasi mal.’ Sin, kil ku sta skritu di mi ten ku sedu.”

Bon Noba di Jesus Kristu ku Jon 14:1

I kontinua fala elis: “Bo diskansa bo korson tarpajadu. Suma bo fia na Deus, bo fia tambi na mi.

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

2 Tesalonisensis 2:2

pa ka bo bulbuli dipresa na bo pensamentu, nin ka bo tarpaja ku kualker palabra di anunsiu, nin palabra di algin ku na konta Bon Noba, nin ku kualker karta ku parsi di nos, ku fala kuma dia di Siñor ciga ja.

Apokalipsi 6:4

I sai utru kabalu; i burmeju. Kil ku monta riba del i dadu puder pa tira pas na tera, pa pui jinti mata ŋutru. I dadu un spada garandi.