Mateus 24:5 - BIBLIA - traduson antigu in Krioulo

⁵ Manga delis na bin na ña nomi, e na fala kuma elis i Mesias. E na ngana manga di jinti.

Mateus 24:5 ပူးပေါင်းရင်းမြစ်များ

Jeremias 14:14

SIÑOR falan: “Ki anunsiaduris na anunsia mintida na ña nomi; nunka N ka manda elis, nin N ka da elis ordi, ku fadi pa N papia ku elis. Se visons ka bin di mi. E na fala kuma asin ku ’sin ku na sedu, ma se anunsius ka bali; e sai son di se pensamentus.

Jeremias 23:21

“N ka manda ki anunsiaduris, ma e kuri e bai. N ka fala elis nada, ma e bai anunsia.

Jeremias 23:25

“N obi kil ku ki anunsiaduris na fala ku na anunsia mintidas na ña nomi, e fala: ‘N suña! N suña!’

Jeremias 37:9

Ami, SIÑOR, N fala: Ka bo ngana bo kabesa, bo fala kuma, sin duvida jinti di Babilonia na disa bos, e bai, pabia e ka na bai.

Mateus 24:11

Manga di anunsiadur falsu na lanta, e na ngana manga di jinti.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Bon Noba di Jesus Kristu ku Jon 5:43

Ami N bin na nomi di ña Pape; bo ka setan. Si utru bin na si nomi propi, bo ta setal.

Bon Noba di Jesus Kristu ku Jon 8:24

E ku manda N fala bos kuma bo na muri na bo pekadu, pabia si bo ka fia kuma N sedu kil ku N sedu, bo ta muri na bo pekadu.”

Bon Noba di Jesus Kristu ku Jon 8:28

E ku manda Jesus fala elis: “Ora ku bo lantanda Fiju di omi, bo ta sibi kuma N sedu kil ku N sedu, kuma N ka ta fasi nada di mi propi, ma suma ku ña Pape ta nsinan, asin ku N ta fala.

1 Jon 2:18

Ña fijus, es i ora di kabantada. Suma ku bo obi kuma anti-kristu na bin, manga di anti-kristu parsi ja. Es ta mostranu kuma no sta ja na ora di kabantada.

1 Jon 2:22

Kin ki munturus si i ka kil ku nega kuma Jesus i Kristu? I el propi ki anti-kristu, kil ku nega Pape ku Fiju.

1 Jon 4:3

Tudu kil ku nega konta kuma Jesus Kristu bin suma omi, spiritu ki tene i ka di Deus, ma i spiritu di anti-kristu, kil ku bo obi faladu i na bin bin; gosi i sta ja na mundu.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.