33 Asin tambi, ora ku bo oja e kusas tudu na kontisi, bo pudi sibi kuma i sta pertu, mesmu na porta.
“Bo toma lison di pe di figu. Ora ku si ramus na bida moli, pa rebenta pajas, bo ta sibi kuma tempu di kalur pertu.
Skritura fala: “Mas un bokadu, kil ku na bin i na bin; i ka na tarda.
Ka bo keŝa kontra ŋutru, ermons, pa ka bo bin julgadu. Bo oja juis na porta ja.
Fin di tudu kusa sta ja pertu; asin bo ten ku sedu seriu, bo ba ta bisia na orason.
Ali N sta na porta, N na konki. Si algin obi ña fála, i yabri porta, N ta yentra na si kasa, N ta kume ku el; el i ta kume ku mi tambi.