Mateus 24:27 - BIBLIA - traduson antigu in Krioulo

²⁷ pabia, suma ku relampagu ta numia seu na saida di sol te na si kaida, asin ki na sedu ora ku Fiju di omi na bin.

Mateus 24:27 ပူးပေါင်းရင်းမြစ်များ

Jo 37:3

I ta manda raiu pa tudu parti di seu; si lus ta bai te na kau mas lunju di mundu.

Jo 38:35

Bu ta da ordi pa raius pa e sai? E ta falau: ‘Alinu li’?

Isaias 30:30

SIÑOR na pui gloria di si vos pa i obidu, i na pui jinti oja si mon ku na disi ku raiba ku na yardi, lingua di fugu ku ta kema tudu, ku turbada forti ku relampagu, ku cuba di pedra.

Ezekiel 1:14

Ki kriaturas ta kuri pa dianti ku tras, suma raius di relampagu.

Zakarias 9:14

SIÑOR na ojadu riba di fijus di Sion; i na manda si fleŝas suma relampagu. SIÑOR Deus na toka trombeta, i na marŝa ku turbadas di sul.

Malakias 3:2

Kin ku na pudi nguenta ki dia ki na bin? Kin ku na pudi firma ora ki ciga? I na sedu suma fugu ku ta rifina uru, o suma sabon forti di jinti ku ta laba ropa.

Malakias 4:5

“Jubi, N na manda bos anunsiadur Elias, antis di ki dia garandi di SIÑOR ciga, ku na sedu dia meduñu.

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 16:28

Na bardadi N na konta bos kuma, utru di bos ku sta li ka na muri tok e oja Fiju di omi na bin na si renu.”

Mateus 24:26

Asin, si e fala bos: ‘Ala Kristu la na lala,’ ka bo sai. O: ‘Alal la dentru di kasa,’ ka bo fia,

Mateus 24:3

Oca i sinta na monti di Olivera, si disipulus bai pa el aparti, e falal: “Kontanu kal tempu ku e kusas na kontisi. Kal sinal ku na mostra kuma bu na bin, kuma mundu na kaba?”

Mateus 24:37

“Suma ki kontisi na tempu di Noe, asin tambi ki na sedu ora ku Fiju di omi na bin.

Mateus 24:39

E ka toma sintidu tok diluviu bin, i kaba ku elis tudu. Asin tambi ki na sedu ora ku Fiju di omi na bin.

Mateus 24:44

Asin bo sta tambi pruntu, pabia Fiju di omi na bin na ora ku bo ka pensa.

Mateus 8:20

Jesus falal: “Timbas tene se koba, kacus di seu tene se niñu, ma Fiju di omi ka tene kau di ngosta kabesa.”

Tiagu 5:8

Bo sedu tambi pasenseru asin; bo tesanta bo korson, pabia Siñor pertu bin.

2 Pedru 3:4

e na ba ta punta: “I ka fala kuma i na bin? Nunde ki sta? Desdi ku no papes muri, tudu kusas sta inda suma na tempu ku mundu kumpudu.”