Mateus 24:14 - BIBLIA - traduson antigu in Krioulo

¹⁴ E Bon Noba di renu i na kontadu na tudu mundu pa sedu tustumuñu pa tudu rasa. Dipus, fin na ciga.”

Mateus 24:14 ပူးပေါင်းရင်းမြစ်များ

Ezekiel 7:10

“Dia ciga; ali i na bin. Bu kondenason ciga. Bingala di violensia flora ja; orgulyu sta pruntu pa padi si frutu.

Mateus 10:7

Na kamiñu bo kumsa na konta: ‘Renu di seu ciga.’

Mateus 18:19

Inda N na konta bos, si dus di bos na tera konkorda na un kusa ku bo na pidi, ña Pape ku sta na seu i na fasi bos ki kusa,

Mateus 24:3

Oca i sinta na monti di Olivera, si disipulus bai pa el aparti, e falal: “Kontanu kal tempu ku e kusas na kontisi. Kal sinal ku na mostra kuma bu na bin, kuma mundu na kaba?”

Mateus 24:6

Bo na obi baruju di gera pertu, ku noba di gera lunju, ma ka bo panta, pabia e kusas ten ku kontisi, ma inda i ka fin di mundu.

Mateus 4:23

Jesus na yandaba na tudu parti di Galileia, i na nsinaba na kasas di juntamentu, i na kontaba Bon Noba di renu, i na kuraba jinti di tudu se duensa ku molostus.

Mateus 9:35

Jesus na yandaba na tudu prasas ku tabankas, i nsina na se kasas di juntamentu, i konta Bon Noba di renu, i kura tudu duensa ku frakesa.

Markus 13:10

Ma antis di kila, i pirsis pa Bon Noba kontadu pa tudu rasa.

Lukas 2:1

Na ki tempu Rei Agustu da ordi pa marka kabesa di tudu pobu di si renu.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Lukas 4:5

Dipus, diabu lebal pa un kau altu, i mostral di un bias tudu renus di mundu.

Atus 1:2

te dia ki lebadu pa seu, dipus ki da ordi na puder di Spiritu Santu pa apostolus ki kujiba.

Atus 11:28

Un delis, ku comadu Ágabu, i lanta, i konta na puder di Spiritu kuma, i na bin ten garandi fomi na tudu mundu. (E fomi bin na tempu di rei garandi Klaudiu.)

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 17:6

Suma e ka oja elis, e rasta Jason ku utru ermons, e leba elis dianti di juisis di prasa, e na grita: “Ki omis ku kria tarpajamentu na tudu parti e ciga li tambi.

Atus 19:27

Pirigu sta li. I ka son no nogos ku na kuri risku di pirdi balur, ma tambi baloba propi di garandi deus Diana na pirdi rispitu. Diana propi, ku tudu Asia ku mundu ntidu ta adora, na pirdi si garandesa.”

Atus 20:25

“N ta yandaba na bo metadi, N konta bos tudu di renu di Deus. Gosi N sibi kuma bo ka na torna oja ña rostu mas.

Romanus 10:18

Ma N na punta: Nta e ka obi? Sertamenti e obi. “Se vos sai pa tudu tera; se palabra bai te na kau mas lunju di mundu.”

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

Kolosensis 1:6

suma tambi ki bai pa tudu mundu. Na tudu parti i na kirsi, i na da frutu, suma na bo metadi tambi, disna di dia ku bo obi di grasa di Deus, bo rapara kuma i bardadi.

Ebreus 1:6

Oca ki na mandaba si purmeru Fiju na mundu, i fala tambi: “Tudu anjus di Deus pa e adoral.”

Ebreus 2:5

Na bardadi, i ka anjus ku Deus ntrega gubernu di mundu di amaña, ku no na fala nel.

Apokalipsi 14:6

N oja utru anju ku na bua la riba. I teneba rekadu di Bon Noba ku ka ta kaba pa konta kilis ku mora na tera, pa tudu nason, rasa, lingua ku pobu.

Apokalipsi 16:14

Esis i spiritus di dimonius ku ta fasi milagri, ku na bai kontra ku reis di tudu mundu, pa junta elis pa gera na ki garandi dia di Deus di tudu puder.

Apokalipsi 3:10

Suma ku bu obdisi ña palabra, bu fika firmi, tambi N na guardau na tempu di kansera ku na bin riba di tudu mundu, pa proba kilis ku sta na tera.