Mateus 23:8 - BIBLIA - traduson antigu in Krioulo

⁸ “Ma abos, ka bo misti pa jinti coma bos ‘Mestre’, pabia un son ki bo Mestre; abos tudu i ermons.

Mateus 23:8 ပူးပေါင်းရင်းမြစ်များ

Mateus 10:25

Basta pa disipulu sta suma si mestre, pa kriadu sta suma si patron. Si e coma dunu di kasa Beelzebu, ku fadi restu di familia!

Mateus 17:5

Oca i na papia inda, un nuven ku na lampra bin kubri elis. Vos sai na ki nuven ku fala: “Es i ña Fiju ku N kiri ciu. N ten garandi kontentamentu nel. Bo sukutal.”

Mateus 23:10

Nin ka bo comadu ŝefis, pabia un son ki bo ŝef, ku sedu Kristu.

Mateus 23:7

E gosta tambi di faladu manteña di rispitu na prasas; e misti pa omis coma elis: ‘Mestre, Mestre’.

Mateus 26:25

Judas tambi, ku na falsialba, i punta: “Mestre, nta i ami?” Jesus falal: “I abo ku fala.”

Mateus 26:49

I ciga, i bai diritu pa Jesus, i falal: “Mestre, pas ta sta ku bo.” I dal beẑu.

Markus 10:51

Jesus puntal: “Ke ku bu misti pa N fasiu?” Segu falal: “Mestre, N misti torna oja.”

Markus 11:21

Pedru lembra di ke ku pasaba, i fala Jesus: “Mestre, jubi ki figera ku bu maldisua, i seku.”

Markus 14:45

I ciga son, i bai pa Jesus, i falal: “Rabi!” i dal beẑu.

Markus 9:5

Pedru rabida i fala Jesus: “Mestre, i bon manera ku no sta li. No ta fasi tris baraka, un pa bo, utru pa Moisés, utru pa Elias.”

Lukas 22:32

ma N ora pa bo, pa ka bu pirdi fe. Ora ku bu riba mas pa mi, bu ta fortifika bu ermons.”

Bon Noba di Jesus Kristu ku Jon 1:38

Jesus vira kabesa pa tras, i oja ki disipulus na sigil, i punta elis: “Ke ku bo na buska?” E ruspundi: “Rabi” (ku signifika Mestre), “nunde ku bu mora?”

Bon Noba di Jesus Kristu ku Jon 1:49

Natanael ruspundil: “Rabi, abo i Fiju di Deus! Abo i Rei di Israel!”

Bon Noba di Jesus Kristu ku Jon 11:8

Si disipulus falal: “Mestre, nin i ka tarda ku ŝefis di judeu mistiba dau ku pedra; bu na torna riba mas pa la?”

Bon Noba di Jesus Kristu ku Jon 20:16

Jesus falal: “Maria!” I rabida pa tras, i falal: “Raboni!” (E palabra signifika Mestre.)

Bon Noba di Jesus Kristu ku Jon 3:2

I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal ku bu ta fasi si Deus ka sta ku el.”

Bon Noba di Jesus Kristu ku Jon 3:26

E bai pa Jon, e falal: “Rabi, kil ku staba ku bo na utru ladu di riu Jordon, ku bu falanu aserka del, i na batisa; tudu jinti na bai nunde el.”

Bon Noba di Jesus Kristu ku Jon 4:31

Na ki ora ku minjer bai, disipulus di Jesus ngodal, e falal: “Rabi, kume.”

Bon Noba di Jesus Kristu ku Jon 6:25

E ojal na utru banda di mar, e puntal: “Rabi, kal ora ku bu ciga li?”

Bon Noba di Jesus Kristu ku Jon 9:2

Si disipulus puntal: “Rabi, kin ku peka pa es algin padidu segu? I el propi, o si papes?”

2 Koríntius 1:24

No ka misti forsa bos na bo krensa, pabia bo sta firmi na fe, ma no na tarbaja juntu ku bos pa bo pudi sta mas sabi.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Efésius 3:15

kil ku tudu familia na seu ku tera ta toma si nomi.

Filemon 1:16

Gosi ja i ka suma katibu, ma mas di ki asin, suma ermon ku bu ama. Ami N amal ciu; ku fadi abo, suma bu algin ma tambi suma ermon na Siñor.

Tiagu 3:1

Ña ermons, i ka bon pa manga di bos sedu mestres. Bo sibi kuma anos mestres no na julgadu mas forti.

1 Pedru 5:3

I ka suma bo na manda riba di kilis ku ntregadu na bo mon, ma bo na sirbi pa isemplu di rebañu.

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.

Apokalipsi 19:10

N kai na si pe pa adoral, ma i falan: “Jubi, ka bu fasi asin. Ami N sta na tarbaju di Deus suma bo ku bu ermons ku ta da tustumuñu di Jesus. Adora Deus, pabia tustumuñu di Jesus, el ki spiritu di anunsiu.”

Apokalipsi 22:9

ma i falan: “Jubi, ka bu fasi asin, pabia ami N sta na tarbaju di Deus suma bo, ku bu ermons anunsiaduris, ku kilis ku guarda palabras de libru. Adora Deus.”