Mateus 23:27 - BIBLIA - traduson antigu in Krioulo

²⁷ “Koitadi di bos, pursoris di lei ku fariseus, finjiduris! Bo parsi kasa di nteru kaiadu. Pa fora i ta parsi bonitu, ma dentru i inci os di mortus ku tudu koldadi susidadi.

Mateus 23:27 ပူးပေါင်းရင်းမြစ်များ

Ditus 26:23

Palabras di amor ku ta kubri korson mau i suma puti di lama foradu ku kusa baratu ku ta lampra.

Numerus 19:16

“Si algin la fora toka na algin ku matadu ku spada, o ku muri mortu natural, o i toka na os di un difuntu, o na kau di nteru, i na fika impuru pa seti dia.

Mateus 23:28

Asin tambi abos, pa fora i ta parsi na uju di jinti kuma bo na yanda diritu, ma dentru bo inci finjimentu ku maldadi.

Lukas 11:44

“Koitadi di bos, pabia bo sta suma koba di difuntu ku ka markadu. Jinti ta yanda riba del sin sibi.”

Atus 23:3

Paulu falal: “Deus na kastigau tambi, abo paredi kaiadu! Bu sta li sintadu pa julgan suma ku lei manda, ma kontra lei bu na manda bofotian!”

Gálatas 6:12

Jinti ku misti forsija bos pa bo sirkunsidadu, elis ku misti ronka pa njata ku kusas di fora. E ta fasil son pa e pudi kapli pirsigison pabia di krus di Kristu.