Mateus 21:26 - BIBLIA - traduson antigu in Krioulo

²⁶ ma si no fala kuma i di omis, no ten medu di pobu, pabia tudu jinti e tene Jon suma anunsiadur.”

Mateus 21:26 ပူးပေါင်းရင်းမြစ်များ

Isaias 57:11

SIÑOR punta: “Kin ku bu panta del, o bu medi, tok bu sedu falsu pa mi, bu ka lembra di mi, nin bu ka pun na bu korson? Nta i ka pabia N kala disna di manga di tempu ku manda bu ka rispitan?

Mateus 11:9

Ke ku bo sai pa bai jubi? Un anunsiadur? Sin, N na konta bos kuma i mas di ki anunsiadur,

Mateus 14:5

Erodis mistiba mata Jon, ma i mediba jinti, pabia e teneba Jon suma anunsiadur.

Mateus 21:11

Multidon di jinti ruspundi elis: “Es i Jesus, anunsiadur di Nazaré di Galileia.”

Mateus 21:25

Batismu di Jon i seduba di nunde? I di Deus o i di omis?” E kumsa na diskuti entri elis, e na fala: “Si no fala kuma i di Deus, i na puntanu ke ku manda no ka fia nel,

Mateus 21:27

E ruspundi Jesus, e falal: “No ka sibi.” I fala elis: “Nin ami tambi N ka na konta bos ku kal otridadi ku N ta fasi e kusas.

Mateus 21:46

E na buskaba manera pa prindil, ma e medi pobu, pabia e teneba Jesus suma anunsiadur.

Markus 11:32

Pa no fala i di omi?” Ma e tenba medu di jinti, pabia tudu pobu e oja kuma Jon i seduba anunsiadur na bardadi.

Markus 12:12

Ki garandis di judeu na buskaba manera di prindi Jesus, pabia e ntindi kuma ki komparason i seduba kontra elis, ma e medi jinti, e disal, e bai se kamiñu.

Markus 6:20

pabia Erodis sintiba medu del; i sibi kuma Jon i bon omi di Deus, i guardal diritu. Sempri ki papia ku el, i ta fika tarpajadu na si sintidu, ma i gostaba di sukutal na mesmu.

Lukas 20:19

Ŝefis di saserdoti ku pursoris di lei e na buskaba manera di prindil na ki ora, pabia e ntindi kuma komparason ki da i kontra elis, ma e tenba medu di pobu.

Lukas 20:6

Si no fala i di omis, tudu jinti na bin danu ku pedra, pabia elis tudu e fia kuma Jon seduba anunsiadur.”

Lukas 22:2

Ŝefis di saserdoti ku pursoris di lei e na buskaba manera di kaba ku Jesus sukundidu, pabia e tenba medu di pobu.

Bon Noba di Jesus Kristu ku Jon 5:35

Jon seduba kanderu ku na yardiba, i numia; abos bo misti alegra un bokadiñu di tempu ku si lus.

Bon Noba di Jesus Kristu ku Jon 9:22

Si pape ku si mame fala e kusas pabia e tenba medu di ŝefis di judeu, pabia ŝefis rumaba ja kuma, si algin diklara kuma Jesus i Mesias, i ta tujidu yentra na kasa di juntamentu.

Atus 5:26

Ki ora kapiton bai ku guardas, e bai tisi elis, ma i ka ku forsa, pabia e mediba, pa ka pobu da elis ku pedra.