Mateus 20:21 - BIBLIA - traduson antigu in Krioulo

²¹ Jesus puntal: “Ke ku bu misti?” Minjer ruspundi: “N misti pa bu da ordi pa e ña dus fiju pudi sinta, un na bu direita, utru na bu skerda, na bu renu.”

Mateus 20:21 ပူးပေါင်းရင်းမြစ်များ

1 Reis 2:19

Asin Bateseba bai nunde rei Salomon pa kontal ke ku Adonias misti. Rei lanta pa risibil, i mpina si dianti. Dipus i sinta na si tronu, i manda pa e pui asentu na si mon direita pa si mame sinta.

1 Reis 3:5

La na Jibeon, SIÑOR Deus bin pa Salomon di noti, na suñu, i falal: “Pidi kusa ku bu misti pa N dau.”

Ester 5:3

Rei puntal: “Raiña Ester, ke ku teneu? Ke ku bu misti pidi? Nin si i te metadi di renu, bu na dadu el.”

Salmus 110:1

SIÑOR fala ña Siñor: “Sinta na ña direita tok N pui bu inimigus suma tapeti pa bu diskansa pe nel.”

Salmus 45:9

Fijus femia di reis e ta ojadu na metadi di minjeris di rispitu na bu kau; na bu mon direita i sta bu noiva, ku fajadu ku uru finu di Ofir.

Jeremias 45:5

Nta bu na buska kusas garandi pa bu kabesa? Ka bu buska. Ami, SIÑOR, N na tisi mal riba di tudu jinti, ma N na disau pa bu kapli ku vida na kualker kau ku bu bai.’ ”

Mateus 18:1

Na ki ora disipulus bai pa Jesus, e puntal: “Kin ki ŝef na renu di seu?”

Mateus 19:28

Jesus fala elis: “Na bardadi N na konta bos kuma, na mundu ku na bin, ora ku Fiju di omi sinta na tronu di si gloria, abos ku na sigin bo na sinta tambi na dozi tronu pa julga dozi jorson di Israel.

Mateus 20:22

Jesus ruspundi, i fala elis: “Bo ka sibi ke ku bo na pidi. Nta bo pudi bibi na kopu ku N na bibi nel?” E falal: “No pudi.”

Mateus 20:32

Jesus para, i coma elis, i punta: “Ke ku bo misti pa N fasi bos?”

Markus 10:51

Jesus puntal: “Ke ku bu misti pa N fasiu?” Segu falal: “Mestre, N misti torna oja.”

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Markus 6:22

Fiju femia di Erodias yentra, i baja. Erodis ku kilis ku staba ku el na mesa e kontenti ku bajuda. Rei falal: “Pidin ke ku bu misti, N na dau el.”

Lukas 18:41

“Ke ku bu misti pa N fasiu?” Segu falal: “Siñor, N misti oja.”

Lukas 19:11

Oca ku jinti na sukuta e kusas, i kontinua i da elis utru komparason, pabia e na kudaba kuma renu di Deus na cigaba na ki tempu, suma ku Jesus staba ja pertu di Jerusalen.

Lukas 22:24

Si disipulus tenba un purfia entri elis di kal delis ku na ojadu mas importanti.

Bon Noba di Jesus Kristu ku Jon 15:7

Si bo sta na mi, ña palabra sta na bos, bo ta pidi tudu kil ku bo misti; i ta fasidu pa bos.

Atus 1:6

Kilis ku staba juntu ku el e puntal: “Siñor, i ne tempu ku bu na torna Israel si renu?”

Romanus 12:10

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

Kolosensis 3:1

Bo lantandadu pa vida juntu ku Kristu. Asin bo pui sintidu na kusas ku sta na seu, nunde ku Kristu sinta na direita di Deus.