Mateus 20:19 - BIBLIA - traduson antigu in Krioulo

¹⁹ E na ntregal na mon di jinti ki ka judeu. E na fasil trosa, e na sutal, e pregal na krus, ma dipus di tris dia i na lantandadu di mortu.”

Mateus 20:19 ပူးပေါင်းရင်းမြစ်များ

Jo 30:8

E seduba fijus di dudu ku ka teneba nomi; e serkadu na tera.

Salmus 35:16

E ñeme dintis kontra mi suma jinti mau ku junta pa fasi trosa.

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Isaias 53:3

I disprezaduba; omis negal. Tambi i omi di dur ku ta sufriba ciu. Jinti ka ta dalba rostu, e disprezal. Anos no ka ta mportaba ku el.

Oseias 6:2

Dipus di dus dia i na danu vida; na terseru dia i na tornanu suma ku no staba, pa no pudi vivi si dianti.

Mateus 12:40

Suma ku Jonas staba tris dia ku tris noti na bariga di pis garandi, asin tambi ku Fiju di omi na bin sta tris dia ku tris noti bas di con.

Mateus 16:21

Disna di ki ora Jesus kumsa na mostra si disipulus kuma i pirsis pa i bai Jerusalen, i bai sufri ciu na mon di garandis, ku ŝefis di saserdoti ku pursoris di lei, pa i matadu, i lantandadu di mortu dipus di tris dia.

Mateus 17:23

e na matal; dipus di tris dia i na lantandadu di mortu.” E palabra pui elis e fika ku garandi tristesa.

Mateus 27:26

Asin Pilatus larga Barabás pa elis. Dipus di manda suta Jesus, i ntregal pa i krusifikadu.

Mateus 27:63

e falal: “Siñor, no lembra kuma ki nganadur, ocalba inda bibu, i fala kuma, dipus di tris dia i na lanta di mortu.

Markus 14:65

Utrus kumsa na kuspi riba del, e tapal uju, e dal suku, e falal: “Suma abo i anunsiadur, diviña!” Guardas tambi dal bofotada.

Markus 15:1

Oca sol na mansi, ŝefis di saserdoti junta ku garandis ku pursoris di lei ku tudu membrus di Konseliu, pa filanta ke ke dibi di fasi. E mara Jesus ku korenti, e lebal, e ntrega Pilatus.

Markus 15:15

Pilatus mistiba pa pobu kontenti ku el; i larga elis Barabás, i manda suta Jesus, i ntregal pa i krusifikadu.

Lukas 18:32

I na ntregadu na mon di jintius; e na fasil trosa, e na kobal mal, e na kuspil.

Lukas 23:11

Erodis ku si soldadus e njutil, e fasil trosa; e bistil un ropa ku si bonitasku ta parsintidu suma di rei, e ribantal pa Pilatus.

Lukas 24:46

I fala elis: “I asin ki sta skritu, kuma Kristu tenba ku sufri; na terseru dia i ta lanta di mortu,

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Atus 21:11

I bin nunde nos, i toma sintu di Paulu, i mara si propi pe ku mon, i fala: “Spiritu Santu fala kuma, asin ku judeus la na Jerusalen na mara omi ku tene e sintu, e na ntregal na mon di jintius.”

Atus 4:27

“Na bardadi Erodis ku Ponsiu Pilatus, ku jintius ku pobu di Israel, e junta ne prasa kontra bu santu servu Jesus, kil ku bu unji.