Mateus 2:10 - BIBLIA - traduson antigu in Krioulo

¹⁰ E oja ki strela, e sinti garandi kontentamentu.

Mateus 2:10 ပူးပေါင်းရင်းမြစ်များ

Salmus 105:3

Bo njata na si nomi sagradu. Kilis ku na buska SIÑOR, pa e kontenti na se korson.

Salmus 67:4

Pui nasons pa e kontenti, pa e kanta ku alegria, pabia bu ta julga rasas ku justisa, bu ta gia nasons di mundu. Sela

Mateus 2:11

E yentra na kasa, e oja mininu ku Maria, si mame; e mpina, e adora Jesus. Dipus e pursenta kusas ke leba pa patil: uru, nsensu ku mira.

Mateus 2:9

Oca ki omis jiru kaba sukuta rei, e sai pa bai. Ki strela ke ojaba na saida di sol i kumsa bai se dianti, tok i ciga i para riba di kau ku mininu staba nel.

Lukas 2:10

Anju fala elis: “Ka bo panta, pabia N tisi bos noba di garandi alegria ku tudu jinti na kontenti ku el.

Lukas 2:20

Bakiaduris riba, e na ngaba Deus, e na dal gloria pa tudu ke obi, ke oja, pabia tudu sedu suma ke kontadu.

Ripitison di Lei 32:13

Deus pul pa i yanda montadu na lugaris altu di tera; i dal prudutus di con pa i kume; i alimental ku mel di roca, ku azeiti ku sai na pedra risu,