Mateus 18:20 - BIBLIA - traduson antigu in Krioulo

²⁰ pabia, nunde ku dus o tris junta na ña nomi, N na sta na se metadi.”

Mateus 18:20 ပူးပေါင်းရင်းမြစ်များ

Kumsada 49:10

Bingala di rei ka na sai na Judá, nin i ka na falta algin na si jorson ku na rena, te ora ku Siló bin, ku tudu nasons na obdisi.

Saida 20:24

“Kumpun un altar di lama; riba del bu na da bu ofertas kemadu, ofertas di pas, bu karnelis ku bakas. Na tudu kau ku N kuji pa bu fasin sirmonia pa lembra di ña nomi, N na bin pa bo, N na bensuau.

Ezekiel 46:10

Rei na sta juntu ku elis; i na yentra ora ke yentra, i na sai ora ke sai.

Zakarias 2:5

SIÑOR fala kuma i na sedu un mura di fugu na roda di prasa, kuma el mesmu i na sedu si gloria na metadi del.’ ”

Mateus 18:21

Pedru bai pa Jesus, i puntal: “Siñor, kantu bias ku N dibi di purda ña ermon si i na peka sempri kontra mi? Te seti bias?”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Bon Noba di Jesus Kristu ku Jon 20:19

Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 20:26

Oca oitu dia pasaba ja, si disipulus staba dentru utru bias. Tome staba la ku elis. Kontudu portas ficadu, Jesus ciga, i parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 8:58

Jesus fala elis: “N na konta bos bardadi, antis di Abraon padidu, ami N sedu.”

1 Koríntius 5:4

Bo ten ku junta na nomi di no Siñor Jesus, ami na ña spiritu juntu ku bos. Na puder di no Siñor Jesus,

1 Tesalonisensis 1:1

Ami Paulu, ku Silvanu ku Timótiu, no na skirbi pa igreẑa ku sta na Tesalónika, ku sedu di Deus no Pape ku Siñor Jesus Kristu. N misti pa bo ten fabur ku pas.

Filemon 1:2

ku no irma Afia, ku Arkipu no kumpañer soldadu, ku igreẑa ku sta na bu kasa.

Apokalipsi 2:1

“Skirbi pa anju di igreẑa di Éfesu, bu falal: ‘Es i palabra di kil ku tene na si mon direita seti strela, ku na yanda na metadi di seti kanderu di uru.

Apokalipsi 21:3

N obi un garandi vos ku sai na tronu, ku na fala: “Gosi ja Deus ten si morada na metadi di jinti. I na mora ku elis, e na sedu si pobu. Deus propi na sta ku elis, i na sedu se Deus.