Mateus 16:16 - BIBLIA - traduson antigu in Krioulo

¹⁶ Simon Pedru ruspundi, i falal: “Abo i Mesias, Fiju di Deus bibu.”

Mateus 16:16 ပူးပေါင်းရင်းမြစ်များ

Salmus 2:7

Ami, ku sedu rei, N na ripiti ke ku SIÑOR fala. El i falan: “Abo i ña fiju; aos ku N padiu.

Salmus 42:2

N tene sedi di Deus, ki Deus bibu. Kal tempu ku N na yentra pa pursenta dianti di Deus?

Daniel 6:26

N na da ordi pa jinti na tudu parti di ña renu pa e medi, e rispita Deus di Daniel. “El i Deus bibu, ku na kontinua pa sempri. Si renu ka pudi kabadu ku el; si puder di manda ka ten kabantada.

Mateus 1:16

Jakó padi José ku kasa ku Maria, mame di Jesus ku comadu Kristu.

Mateus 14:33

Kilis ku staba na barku finka juju si dianti, e fala: “Na bardadi abo i Fiju di Deus.”

Mateus 16:15

I punta elis: “Ma abos, kin ku bo fala kuma N sedu?”

Mateus 26:63

Jesus fika kaladu. Ŝef di saserdotis torna falal: “Bu ten ku jurmenta pa Deus bibu, bu kontanu si abo i Kristu, Fiju di Deus.”

Mateus 27:54

Kapiton ku utru soldadus ku na guardaba Jesus, oca ke oja con tirmi, ku kusas ku kontisi, e sinti garandi medu, e fala: “Na bardadi, e omi seduba Fiju di Deus!”

Mateus 4:3

Tentadur ciga pa el, i falal: “Si kontra abo i Fiju di Deus, manda e pedras pa e bida pon.”

Markus 14:61

Jesus kala boka, i ka ruspundi nada. Ŝef di saserdotis torna puntal mas: “Abo i Mesias, Fiju di Deus ku mersi ngabadu?”

Lukas 2:11

Aos na tabanka di Davi i padidu un Salbadur pa bos, ku sedu Kristu, Siñor.

Bon Noba di Jesus Kristu ku Jon 1:49

Natanael ruspundil: “Rabi, abo i Fiju di Deus! Abo i Rei di Israel!”

Bon Noba di Jesus Kristu ku Jon 11:27

Marta falal: “Sin, Siñor, N fia kuma abo i Mesias, Fiju di Deus, ku staba pa bin mundu.”

Bon Noba di Jesus Kristu ku Jon 20:31

ma e kusas sta skritu pa bo fia kuma Jesus i Mesias, Fiju di Deus, pa ora ku bo fia nel, bo ta tene vida na si nomi.

Bon Noba di Jesus Kristu ku Jon 6:57

Suma ku ña Pape ku na vivi mandan, ami N vivi pabia del, asin tambi kil ku alimenta na mi i ta vivi pabia di mi.

Bon Noba di Jesus Kristu ku Jon 6:68

Simon Pedru ruspundil: “Siñor, pa kin ku no na bai? I abo ku tene palabra ku ta da vida ku ka ta kaba.

Bon Noba di Jesus Kristu ku Jon 6:69

Anos no fia, no sibi kuma abo i ki Santu di Deus.”

Atus 14:15

e fala: “Siñoris, ke ku manda bo na fasi e kusas? Anos tambi no sedu omis suma bos, ku mesmu naturesa. E Bon Noba ku no na konta bos i pa bo larga e kustumus ku ka bali, pa bo rabida pa Deus bibu, ku fasi seu, tera ku mar, ku tudu ku sta nelis.

Atus 8:36

Oca ke na pasa pertu di un lugar ku teneba yagu, funsionariu fala: “Ali yagu. Ke ku na tujin pa N batisadu?” [

Atus 8:37

Filip falal: “I pudi sedu si bu fia ku tudu korson.” I ruspundi Filip i falal: “N fia kuma Jesus Kristu i Fiju di Deus.”]

Atus 9:20

I kumsa janan na konta na kasa di juntamentu kuma Jesus i Fiju di Deus.

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

2 Koríntius 1:19

Fiju di Deus, Jesus Kristu, ku ami ku Timótiu ku Silvanu no konta bos del, i ka jagasi Sin ku Nau, ma el i son Sin.

2 Koríntius 3:3

I pudi ojadu kuma abos i un karta ku Kristu skirbi, i manda pa no mon pa no ntrega. I ka skirbidu ku tinta, ma ku Spiritu di Deus bibu. I ka na tagua di pedra ma na karni di korson.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

Ripitison di Lei 5:26

Kal omi ku ciga di obi vos di Deus bibu na papia na metadi di fugu, suma nos, ma i fika inda ku vida?

1 Tesalonisensis 1:9

pabia elis propi e ta spaja noba di no visita pa bos, kuma ku bo larga idulus, bo bin pa sirbi Deus bibu, Deus di bardadi,

1 Timótiu 3:15

Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

1 Timótiu 4:10

kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

Ebreus 10:31

I kusa meduñu pa kai na mon di Deus bibu!

Ebreus 12:22

Ma bo ciga pa monti di Sion, pa prasa di Deus bibu, Jerusalen di seu, ku si manga di milyaris di anju

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

1 Jon 4:15

Kil ku konta klaru kuma Jesus i Fiju di Deus, Deus sta nel, el i sta na Deus.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.

1 Jon 5:5

Nta kin ku vensi mundu si i ka kil ku fia kuma Jesus i Fiju di Deus?

Apokalipsi 7:2

N oja utru anju subi di ladu ku sol ta nasi, ku tene karimbu di Deus bibu, i grita ku garandi vos pa ki kuatru anju ku dadu puder pa dana tera ku mar,