Mateus 15:9 - BIBLIA - traduson antigu in Krioulo

⁹ E ta adoran amonton; e ta nsina jinti mandamentus di omi suma ki di Deus.’ ”

Mateus 15:9 ပူးပေါင်းရင်းမြစ်များ

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 73:13

Na bardadi, i ka baliba pena pa N purifika ña korson, pa N laba ña mon sin kulpa,

Saida 20:7

“Ka bu coma nomi di SIÑOR bu Deus na nada, pabia algin ku fasi asin, SIÑOR ka na ojal suma kin ku ka ten kulpa.

Isaias 29:13

SIÑOR fala: “E pobu ta ciga pa mi son ku se boka, e ta ngaban ku palabra, ma se korson sta lunju di mi. Se adorason pa mi i ta ojadu son na mandamentus di omis ke ta nsinadu.

Sirmonias 26:16

nta ami tambi N na fasi bos e kusa. N na pui pa bo panta di repenti, pa bo tene tuberkulosi, ku febri altu ku na dana bo uju; i na tira bo vida puku puku. Bo na sumia amonton, pabia bo inimigus na kumel tudu.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Malakias 3:14

“Bo fala asin: ‘Pa sirbi Deus i ka ten purbitu. Nta ke ku no ngaña suma no fasi forsa, no kumpri si ordis, pa yanda suma jinti di cur dianti di SIÑOR ku ten tudu puder?

Mateus 15:10

Jesus coma ki multidon di jinti, i fala elis: “Bo sukuta, pa bo ntindi.

Markus 7:7

E ta adoran amonton; e ta nsina jinti mandamentus di omi suma ki di Deus.’

1 Koríntius 15:2

kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

Ripitison di Lei 12:32

Ba ta obdisi tudu ku N mandau; ka bu buri nada riba del nin ka bu rapatil.

1 Timótiu 1:4

nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

Titu 1:14

Ka e fia na storias di judeus, nin mandamentus di jinti ku nega bardadi.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

Tiagu 2:20

Abo, omi ku ka ten sintidu, bu misti sibi kuma fe sta mortu si i ka liga ku tarbaju?

Apokalipsi 22:18

Ami N na avisa tudu kil ku obi palabra di anunsiu de libru: Si algin buri kualker kusa riba del, Deus na buri kastigu ku kontadu ne libru riba di si dunu.

1 Samuel 25:21

oca Davi kumsa fala: “Na bardadi i ka bali pena manera ku N guarda tudu ku ki omi tene na lala. Nada ki tene ka pirdi, ma i pagan mal pa ben.