Mateus 15:16 - BIBLIA - traduson antigu in Krioulo

¹⁶ Jesus punta elis: “Abos tambi bo ka pudi ntindi inda?

Mateus 15:16 ပူးပေါင်းရင်းမြစ်များ

Mateus 13:51

Jesus punta elis: “Bo ntindi e kusas tudu?” E falal: “Sin, no ntindi.”

Mateus 15:10

Jesus coma ki multidon di jinti, i fala elis: “Bo sukuta, pa bo ntindi.

Mateus 15:15

Pedru falal: “Splikanu e komparason.”

Mateus 15:17

Bo ka sibi inda kuma tudu kil ku yentra na boka i ta bai pa bariga, i ta sai pa fora?

Mateus 16:11

Kuma ku bo ka pudi ntindi kuma N ka na fala bos di pon, ma N na fala pa bo libra di fermentu di fariseus ku saduseus?”

Mateus 16:9

Bo ka ntindi inda, nin bo ka lembra di ki sinku pon pa sinku mil omi, kantu kufu ku sobra?

Markus 6:52

pabia e ka ntindiba ki milagri di pon. Se kabesa staba ficadu.

Markus 7:18

I ruspundi elis: “Asin tambi ku bo sta tapadu, bo ka ta ntindi? Bo ka sibi kuma tudu di fora ku yentra na algin i ka ta pudi mancal?

Markus 9:32

Elis e ka ntindiba ki palabras; e medi puntal.

Lukas 18:34

Disipulus ka ntindi nada ki na fala elis. Sintidu de palabra i sukuru pa elis. E ka paña pe di ke ki misti fala elis.

Lukas 24:45

Dipus i yabri elis kabesa pa e ntindi Skritura.

Lukas 9:45

Disipulus ka ntindi ki palabra, pabia i sukuru pa elis; e ka pudi paña pe del. E tenba medu di puntal si sintidu.

Ebreus 5:12

Bo ten tempu di sedu ja pursoris, ma inda bo pirsisa di algin pa torna da bos purmeru nsinamentu di palabra di Deus. Te gosi bo pirsisa di dadu liti, te pa bianda risu.