Mateus 13:25 - BIBLIA - traduson antigu in Krioulo

²⁵ ma oca jinti durmi, si inimigu bin, i sumia na metadi di arus un paja ku ka bali ma ku parsi ku arus; i bai si kamiñu.

Mateus 13:25 ပူးပေါင်းရင်းမြစ်များ

1 Reis 3:20

I lanta me-noti, i toman ña fiju lungu di mi, oca ku N na durmi, i ditandal lungu di si kurpu; i toma kil si fiju mortu, i ditandal lungu di mi.

Mateus 13:24

Jesus da elis utru komparason, i fala: “Renu di seu i suma es ku N na konta bos. Un omi sumia bon simentera na si lugar,

Mateus 13:26

Oca plantas bin kirsi tok frutu na sai, arus brabu bin sai tambi.

Mateus 13:27

Tarbajaduris di ki omi bai pa el, e puntal: ‘Siñor, nta i ka bon simentera ku bu sumiaba na bu lugar? Nunde ku arus brabu sai nel?’

Mateus 13:29

Omi fala elis: ‘Nau, pabia bo pudi bai rinkal juntu ku arus.

Mateus 13:30

Bo disa elis dus pa e kirsi juntu te na kebur. Na ora di kebur N ta konta kebraduris pa e kebra arus brabu purmeru, pa e maral pa kema, ma arus, e ta juntal na ña bemba.’ ”

Mateus 13:39

Inimigu ku sumia elis i diabu. Kebur i fin di mundu. Kebraduris i anjus.

Mateus 25:5

Suma ku noivu tarda pa ciga, e jungu tudu tok e durmi.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:14

Pabia di milagris ki disadu fasi dianti di besta, i ta ngana jinti ku sta na tera. I fala elis pa e fasi un imaẑen di besta ku molostadu ku spada, ma i bibu.

Apokalipsi 2:20

Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.