Mateus 13:22 - BIBLIA - traduson antigu in Krioulo

²² Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu na kusa de mundu; rikesa ta nganal. Tudu e kusas ta perta palabra, e ta tujil padi frutu.

Mateus 13:22 ပူးပေါင်းရင်းမြစ်များ

Salmus 52:7

“Jubi omi ku ka fasiba Deus si kau forti, ma i fiansaba na si manga di rikesa; i tornaba forti pabia di si maldadi.”

Salmus 62:10

Ka bo fiansa na splorason, nin ka bo njata na kusas ku furtadu. Si bo rikesas aumenta, ka bo pui sintidu nel.

Ditus 11:28

Kil ku fiansa na si rikesas i na kai, ma jinti justu e na arnobadu suma paja verdi.

Ditus 23:5

Bu na pui uju na kil ku ka na tarda. Bu rikesa na ranja asa, i bua pa seu suma agia.

Eklesiastis 4:8

I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Jeremias 4:3

Asin ku SIÑOR fala ku omis di Judá ku Jerusalen: “Bo labra lugar ku ka ciga di labradu. Ka bo sumia na metadi di fididas.

Mateus 12:32

Si algin fala un palabra kontra Fiju di omi, i ta purdadu, ma si algin papia kontra Spiritu Santu, i ka na purdadu, ne mundu nin na utru mundu.

Mateus 13:39

Inimigu ku sumia elis i diabu. Kebur i fin di mundu. Kebraduris i anjus.

Mateus 13:40

Suma ku arus brabu juntadu, i kemadu na fugu, asin ki na bin sedu na fin di mundu.

Mateus 13:7

Utru kai na metadi di fidida. Fidida kirsi, i pertal.

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 12:21

Asin ki ta sedu ku algin ku ta junta rikesa pa si kabesa, ma i ka riku dianti di Deus.”

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Lukas 8:14

Simentera ku kai na metadi di fididas i mostra kilis ku obi; mas dianti, kudadis ku rikesa ku sabura de vida e ta perta elis, e ka ta padi frutu diritu.

Atus 8:18

Simon oja kuma, si apostolus pui mon riba di algin, i ta risibi Spiritu Santu. I mostra elis diñeru,

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

1 Koríntius 1:20

Nunde ku jinti jiru sta? Nunde ku ntindidu sta? Nunde ku jinti diskutidur de mundu sta? Nta Deus ka mostra kuma jiresa de mundu i tulesa?

1 Koríntius 2:6

Na bardadi no ta papia ku jiresa na metadi di krentis ku maduru na fe, ma i ka jiresa de mundu, nin di otridadis de mundu ku kada dia na pirdi puder.

1 Koríntius 2:8

Nin un otridadi de mundu ka ntindil, pabia si e ntindilba, e ka na krusifikaba Siñor di Gloria.

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

1 Timótiu 6:17

Manda kilis ku riku na kusas de mundu pa ka e sedu garandiosu, nin pa ka e pui speransa na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

2 Timótiu 4:10

pabia Demas ama e mundu di gosi, i bandonan, i bai pa Tesalónika. Kresenti bai pa Galásia, Titu pa Dalmasia.