Mateus 12:42 - BIBLIA - traduson antigu in Krioulo

⁴² Tambi raiña di sul na bin lanta na dia di julgamentu kontra jinti di aos pa kondena elis, pabia i sai la lunju na si tera pa bin obi jiresa di Salomon. Ali un algin li ki mas Salomon.

Mateus 12:42 ပူးပေါင်းရင်းမြစ်များ

1 Reis 10:24

Jinti di tudu mundu mistiba bin nunde Salomon pa obi jiresa ku Deus puiba nel.

1 Reis 3:12

N na fasi konformi bu pidin. N na dau un sintidu di jiresa ku ntindimentu, ku ka ciga di ten antis di bo, nin dipus di bo i ka na ten utru suma di bo.

1 Reis 3:28

Oca ku tudu jinti di Israel obi manera ku rei julga ki kasu, e sinti garandi rispitu pa el, pabia e oja kuma jiresa di Deus staba nel pa fasi justisa.

1 Reis 3:9

Asin, bu ta dan korson di ntindimentu pa guberna bu pobu, pa N pudi sibi rapara kil ki bon ku kil ki mau, pabia kal algin ku pudi guberna es bu pobu garandi?”

1 Reis 4:29

Deus da Salomon jiresa ku garandi ntindimentu ku ka pudi mididu, suma reia di praia.

1 Reis 4:34

Tudu reis di mundu ku obi di jiresa di Salomon e manda jinti di tudu rasa pa sukutal.

1 Reis 5:12

SIÑOR da Salomon jiresa suma ki falalba. Pas tenba na metadi di Iron ku Salomon, tok e fasi kontratu entri elis.

Isaias 7:14

SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Mateus 12:41

Na dia di julgamentu jinti di Ninive na bin lanta kontra jinti di aos pa kondena elis, pabia, oca e obi anunsiu di Jonas, e ripindi. Ali un algin li ku sedu mas di ki Jonas.

Mateus 12:6

N na konta bos kuma, i sta li un algin ku mas ten balur di ki kasa di Deus.

Mateus 17:5

Oca i na papia inda, un nuven ku na lampra bin kubri elis. Vos sai na ki nuven ku fala: “Es i ña Fiju ku N kiri ciu. N ten garandi kontentamentu nel. Bo sukutal.”

Mateus 3:17

Un vos di seu fala: “Es i ña Fiju ku N kiri ciu. N ten garandi kontentamentu nel.”

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Ripitison di Lei 30:13

Tambi i ka sta na utru ladu di mar, pa bu punta: “Kin ku na kamba mar pa tisinu el, pa no pudi obil, no pui na pratika?”