Mateus 12:10 - BIBLIA - traduson antigu in Krioulo

¹⁰ I staba la un omi ku tene un mon ku muri. Utru jinti ku staba la e misti ranja manera di keŝa di Jesus. E puntal: “No lei ta seta pa algin kura na dia di diskansu?”

Mateus 12:10 ပူးပေါင်းရင်းမြစ်များ

Isaias 32:6

Tulu ta papia kusas di tulesa; si pensamentu sta son na mal ki dibi di fasi. I ta finji, i konta kusas ku ka bardadi aserka di SIÑOR. I ta disa kilis ku tene fomi sin nada; kilis ku tene sedi, i ta tuji elis yagu.

Isaias 59:13

No ta nega SIÑOR, no konta mintida kontra el, no vira kosta pa no Deus, no pui jinti pa e kalka utrus, e ravolta; no korson forma mintida ku sai na no boka.

Isaias 59:4

I ka ten algin ku na yalsa vos pa justisa pudi ten. Ningin ka ta pursenta na kau di justisa pa konta bardadi. E ta fiansa na palabra ku ka bali, e ta konta mintida. E ta preña ku mau planus, e padi pekadu.

Zakarias 11:17

Ai di ki bakiadur ku ka bali, ku bandona koral! Spada na kai riba di si brasu, tambi riba di si uju direita. Si brasu na seku tudu; si uju direita na bida segu.”

Mateus 12:2

Fariseus oja ke ke na fasi, e fala Jesus: “Jubi, bu disipulus na fasi kil ku lei tuji na dia di diskansu.”

Mateus 19:3

Utru fariseus bai pa el pa spurmental, e puntal: “Konformi no lei, i justu pa un omi kaba kasamenti ku si minjer pa kualker motivu?”

Markus 3:2

Utru jinti na peraba pa jubi si Jesus na kural na dia di diskansu, pa e pudi akusal.

Lukas 11:54

E na buska manera di pañal na kualker kusa ki na fala.

Lukas 13:14

Ŝef di kasa di juntamentu paña raiba suma ku Jesus kura na dia di diskansu. I fala pobu: “I ten seis dia di tarbaju; bo pudi bin kura na ki dias, ma i ka na dia di diskansu.”

Lukas 20:22

No misti puntau si i kontra lei pa paga rei garandi mpustu o nau.”

Lukas 23:14

“Bo tisin e omi li, bo fala kuma i ta lantanda pobu kontra gubernu, ma N puntal bo dianti, N ka oja nel nin un di ki krimis ku bo fala.

Lukas 23:2

e kumsa na akusal, e fala: “No oja es omi i na pui pobu lanta kontra gubernu, i na fala pa ka e paga mpustu pa rei garandi; i fala tambi el i Kristu ku ten ku sedu rei.”

Bon Noba di Jesus Kristu ku Jon 5:10

Ŝefis di judeu fala ki omi ku kuraduba: “Aos i dia di diskansu; bu ka dibi di karga kama.”

Bon Noba di Jesus Kristu ku Jon 5:3

Manga di duenti ta staba na ki barandas, segus ku mankus ku kilis ku ka pudi bulbuli kurpu. [E na peraba pa yagu bulbulidu,

Bon Noba di Jesus Kristu ku Jon 7:23

Si rapas ta sirkunsidadu na dia di diskansu pa un lei di Moisés ka kebradu, kuma gora ku bo raiba kontra mi pabia N kura un omi na dia di diskansu?

Bon Noba di Jesus Kristu ku Jon 8:6

E na falaba e kusa pa spurmenta Jesus, pa e pudi tenba manera di akusal. Jesus mpina, i na skirbi na con ku dedu.

Bon Noba di Jesus Kristu ku Jon 9:16

Utru fariseus fala: “Ki omi ku fasi e kusa i ka di Deus, pabia i ka ta guarda dia di diskansu.” Utrus punta: “Kuma ku un omi mau pudi fasi e sinal?” Asin i kumsa na ten disavensa entri elis.