Mateus 11:5 - BIBLIA - traduson antigu in Krioulo

⁵ Kilis ku segu e na oja; mankus na yanda; kilis ku tene mpincu na kuradu; kilis ku surdu na obi; kilis ku muri na lanta; koitadis na kontadu Bon Noba.

Mateus 11:5 ပူးပေါင်းရင်းမြစ်များ

2 Reis 5:14

Asin i bai, i murguja na Jordon seti bias, konformi palabra di omi di Deus. Si kurpu torna suma kurpu di un mininu, i fika purifikadu.

2 Reis 5:7

Oca ku rei di Israel lei ki karta, i rumpi si ropa, i punta: “Nta ki rei kuda kuma ami ki Deus, ku pudi mata, i torna da vida, manera ki manda falan pa N kura un omi di si mpincu? Abos tudu bo pudi nota kuma ki na buskan palabra.”

Salmus 146:8

SIÑOR ta yabri uju di jinti segu, i ta lantanda kilis ku batidu; i ta ama justus.

Salmus 22:26

Koitadis na kume, e farta; kilis ku buska SIÑOR na ngabal. N dija pa e ten koraẑen pa sempri!

Saida 4:11

SIÑOR puntal: “Kin ku kumpu lingua di omi? Kin ku fasi algin mudu o surdu? Kin ku ta fasi algin pa i oja o pa i segu? I ka ami, SIÑOR?

Isaias 29:18

Na ki dia surdus na obi palabra di libru; na kau sukuru ku ka tene lus, segus na bin oja.

Isaias 29:19

Mansus na ten garandi kontentamentu na SIÑOR. Koitadis na kontenti na Deus Santu di Israel.

Isaias 43:8

Bo tisi e pobu ku tene uju, ma i segu, ku tene oreja ma i surdu.

Isaias 66:2

O i ka ña mon ku kumpu tudu e kusas pa e bin sedu?” Asin ku SIÑOR punta. “Es i omi ku N na jubi pa el: kil ku sedu umildi, kebrantadu na spiritu, ku ta tirmi si i obi ña palabra.

Zakarias 11:7

N bakia ki karnel ku markadu pa matadu; kilis ku kalkaduba, N trata elis diritu. N ranja dus manduku, N coma un Fabur, N coma ki utru Union. Asin ku N bakia ki karnel.

Mateus 10:8

Bo kura duentis, bo lantanda mortus, bo kura kilis ku tene mpincu, bo serka dimonius na jinti. Di grasa ku bo risibi; di grasa ku bo na da.

Mateus 11:4

Jesus ruspundi, i fala elis: “Bo bai konta Jon ke ku bo obi, ku ke ku bo oja.

Mateus 12:13

I rabida i fala ki omi: “Distindi mon.” I distindil; i torna san suma ki utru.

Mateus 21:14

Segus ku mankus bai pa el na kasa di Deus; i kura elis.

Mateus 5:3

“Sortiadu i kilis ku ta koitanda dianti di Deus, pabia e na ten parti na renu di seu.

Mateus 9:30

Ki ora uju di ki dus segu yabri. Jesus papia risu ku elis, i fala: “Ka ningin sibi de kusa.”

Markus 7:37

E dimira ciu, tok e fala: “Es omi ta fasi tudu kusa diritu. I ta fasi te surdu obi, mudu papia.”

Markus 9:25

Jesus oja kuma manga di jinti na junta riba delis. I raprindi spiritu mau, i fala: “Spiritu surdu-mudu, i ami ku mandau, sai nel! Ka bu riba mas pa el.”

Lukas 4:18

“Spiritu di Siñor sta riba di mi, pabia i unjin pa N konta Bon Noba pa pobris;

Bon Noba di Jesus Kristu ku Jon 10:25

Jesus ruspundi elis: “N konta ja bos; bo ka fia. Kusas ku N fasi na nomi di ña Pape ta testifika di mi,

Bon Noba di Jesus Kristu ku Jon 10:38

ma si N ta fasi tarbaju di ña Pape, nin si bo ka fia na mi, bo ta fia na ki tarbaju, pa bo pudi ntindi, bo fia kuma ña Pape sta na mi; ami N sta nel.”

Bon Noba di Jesus Kristu ku Jon 2:23

Oca Jesus staba na Jerusalen duranti festival di Paskua, manga di jinti oja sinalis ki na fasiba; e fia nel,

Bon Noba di Jesus Kristu ku Jon 3:2

I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal ku bu ta fasi si Deus ka sta ku el.”

Bon Noba di Jesus Kristu ku Jon 5:36

Ma N tene tustumuñu mas garandi di ki kil di Jon, pabia kusas ku ña Pape dan pa N fasi, ki mesmu kusas ku N fasi ta diklara di mi kuma i ña Pape ku mandan.

Bon Noba di Jesus Kristu ku Jon 9:7

i falal: “Bai, bu laba na lagua di Siloé” (ku signifika mandadu). I bai, i laba; dipus i riba; si uju yabri, i kumsa na oja.

Atus 2:22

“Ermons israelita, bo sukuta e palabra. Deus rikuñisi Jesus di Nazaré bo dianti, ku kusas garandi, ku milagris, ku sinal ki fasi na bo metadi pa mon di Jesus. Abos propi bo sibi kila diritu.

Tiagu 2:5

Ña kiridu ermons, bo sukuta. Deus kuji koitadis de mundu pa e sedu riku na fe, pa e yarda renu ki fala i na da kil ku amal,