Mateus 11:20 - BIBLIA - traduson antigu in Krioulo

²⁰ Jesus kumsa na raprindi prasas nunde ki fasiba milagris mas ciu, pabia jinti la e ka ripindi. I fala elis:

Mateus 11:20 ပူးပေါင်းရင်းမြစ်များ

Jeremias 8:6

N sukuta elis diritu, ma e ka ta konta bardadi. I ka ten ningin ku na ripindi di si maldadi, i fala: “N fasi mal.” Kada kin na kuri pa si kamiñu suma kabalu ku na kuri ku forsa pa gera.

Mateus 12:41

Na dia di julgamentu jinti di Ninive na bin lanta kontra jinti di aos pa kondena elis, pabia, oca e obi anunsiu di Jonas, e ripindi. Ali un algin li ku sedu mas di ki Jonas.

Markus 16:14

Pa kabantada i parsi pa ki onzi, oca e staba na mesa. I kulpa elis pa se falta di fe ku duresa di korson, pabia e ka fia na kilis ku ojal dipus di i lanta di mortu.

Markus 9:19

Jesus fala elis: “Abos i jinti sin fe! Te kal dia ku N na sta ku bos? Te kal tempu ku N ten ku nguenta bos? Bo tisin el.”

Atus 17:20

Bu tisinu na no oreja kusas strañu; e ku manda no misti sibi ke ki signifika.”

2 Koríntius 12:21

N ten medu pa, ora ku N bai, ña Deus i na rebaŝan bo dianti, tok N ta cora riba di kilis ku tarda peka, e ka ripindi di se susidadi, ku mau vida, ku pekadu seksual ke fasi.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.

Apokalipsi 16:11

E na fala mal di Deus di seu pabia di se dur ku se cagas, ma e ka ripindi di kusas ke na fasi.

Apokalipsi 16:9

E kemadu ku ki garandi kalur. E fala mal di nomi di Deus ku ten puder di manda ki kastigus. E ka ripindi, nin e ka dal gloria.

Apokalipsi 2:21

N dal tempu pa i ripindi, ma i nega disa peka ku omis.