Mateus 10:32 - BIBLIA - traduson antigu in Krioulo

³² Asin, tudu kil ku konta dianti di jinti kuma el i di mi, N na konfirma dianti di ña Pape ku sta na seu kuma el i di mi,

Mateus 10:32 ပူးပေါင်းရင်းမြစ်များ

Salmus 119:46

N na papia di bu nsinamentus dianti di reis; N ka na burguñu.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Lukas 15:10

N na konta bos kuma, asin ki ta ten alegria na metadi di anjus di Deus pa un algin di mau nomi ku ripindi.”

Bon Noba di Jesus Kristu ku Jon 9:22

Si pape ku si mame fala e kusas pabia e tenba medu di ŝefis di judeu, pabia ŝefis rumaba ja kuma, si algin diklara kuma Jesus i Mesias, i ta tujidu yentra na kasa di juntamentu.

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

1 Jon 4:15

Kil ku konta klaru kuma Jesus i Fiju di Deus, Deus sta nel, el i sta na Deus.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.

Apokalipsi 3:5

Kil ku vensi, asin ki na bisti di ropa branku. Di nin un manera N ka ta riska si nomi na libru di bibus. N na coma si nomi dianti di ña Pape ku si anjus.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.