Mateus 10:19 - BIBLIA - traduson antigu in Krioulo

¹⁹ ma, ora ku bo ntregadu, ka bo kuda kuma ku bo na papia, o ke ku bo na fala, pabia na ki ora bo na dadu palabras ku bo na fala.

Mateus 10:19 ပူးပေါင်းရင်းမြစ်များ

Saida 4:12

Bai omi! Ami N na sta ku bu boka, N na nsinau ke ku bu dibi di fala.”

Saida 4:15

Bu na papia ku el, bu na pui palabras na si boka; N na sta ku bu boka, ku di sil tambi, N na nsina bos ke ku bo dibi di fasi.

Jeremias 1:7

SIÑOR falan: “Ka bu fala abo i mininu. Bu na bai pa tudu jinti ku N mandau; tudu ku N mandau fala, el ku bu na fala.

Jeremias 1:9

Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Mateus 10:18

Pabia di mi bo na lebadu dianti di gubernaduris ku reis, pa bo pudi sedu tustumuñas pa elis ku kilis ku ka sedu judeu,

Mateus 6:25

“E ku manda N fala bos: Ka bo fadiga ku kusa di bo vida, ku kil ku bo na kume o bibi, nin ku ropa ku bo na bisti. Nta vida ka bali mas di ki kumida? Kurpu ka bali mas di ki ropa?

Mateus 6:31

“Asin, ka bo fika fadigadu na punta: ‘Ke ku no na kume?’ o: ‘Ke ku no na bibi?’ ku fadi: ‘Ke ku no na bisti?’

Mateus 6:34

Ka bo fadiga ku dia di amaña, pabia dia di amaña i ta toma konta di si kabesa. Kada dia ta justa ku si propi mal.

Lukas 12:11

“Ora ke leba bos pa kasas di juntamentu, o dianti di ŝefis ku otridadis, ka bo kuda kuma ku bo na bai difindi, o ke ku bo na ruspundi,

Lukas 12:12

pabia Spiritu Santu na nsina bos na ki ora ke ku bo dibi di fala.”

Atus 6:10

Spiritu da Stevon garandi jiresa ke ka pudi nguenta pa diskuti ku el.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.