Mateus 10:18 - BIBLIA - traduson antigu in Krioulo

¹⁸ Pabia di mi bo na lebadu dianti di gubernaduris ku reis, pa bo pudi sedu tustumuñas pa elis ku kilis ku ka sedu judeu,

Mateus 10:18 ပူးပေါင်းရင်းမြစ်များ

Salmus 119:46

N na papia di bu nsinamentus dianti di reis; N ka na burguñu.

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Mateus 10:19

ma, ora ku bo ntregadu, ka bo kuda kuma ku bo na papia, o ke ku bo na fala, pabia na ki ora bo na dadu palabras ku bo na fala.

Mateus 8:4

Jesus falal: “Jubi, ka bu konta ningin, ma bai pa saserdoti, bu mostral bu kurpu, bu da Deus oferta ku Moisés manda, pa i pudi sirbi elis di tustumuñu kuma bu sta kuradu.”

Markus 13:9

“Abos propi, bo toma sintidu. Pabia di mi bo na ntregadu na justisa; bo na sutadu na kasas di juntamentu; tambi bo na lebadu dianti di gubernaduris ku reis, pa bo pudi konta di mi se dianti.

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.

Apokalipsi 11:7

Dipus ke kaba da se tustumuñu, besta ku subi di abismu i na bin geria ku elis; i na ngaña, i na mata elis.

Apokalipsi 6:9

Oca ku Karnel kebra kintu selu, N oja na pe di altar almas di kilis ku matadu pabia di palabra di Deus, tambi pabia di tustumuñu ke da.