Mateus 10:15 - BIBLIA - traduson antigu in Krioulo

¹⁵ Na bardadi N na konta bos kuma, na dia di juisu, i na bin ten menus kastigu pa jinti di Sodoma ku Gomora di ki jinti di ki prasa.

Mateus 10:15 ပူးပေါင်းရင်းမြစ်များ

Mateus 12:36

N na konta bos kuma, tudu palabra ku jinti papia amonton, e na da konta del na dia di julgamentu.

Mateus 5:18

Na bardadi N na konta bos kuma seu ku tera na pasa, ma nin un asentu ka na bin tiradu riba di un letra di lei tementi i ka pudu tudu na pratika.

Mateus 7:22

Manga delis na puntan na ki dia: ‘Siñor, Siñor, no ka anunsia na bu nomi? No ka serka dimonius na bu nomi? No ka fasi manga di milagri na bu nomi?’

Markus 6:11

Si jinti di utru tabanka ka risibi bos, e ka misti sukuta bos, ora ku bo na sai la, bo konkoñi puera ku sta na bo pe, pa sinal kontra elis.”

Bon Noba di Jesus Kristu ku Jon 12:48

Kin ku negan, i ka risibi ña palabra, i ten ja kin ku na julgal; palabra ku N konta, es ku na julgal na ultimu dia.

Bon Noba di Jesus Kristu ku Jon 6:39

Vontadi di ña Pape ku mandan i es: pa nin un son di tudu kilis ki dan ka pirdi, ma pa N lantanda elis di mortu na ultimu dia.

Bon Noba di Jesus Kristu ku Jon 6:40

Tambi vontadi di kil ku mandan i es: tudu kil ku ojan, i setan, ami Fiju di Deus, pa i tene vida ku ka ta kaba; na ultimu dia N ta lantandal di mortu.”

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

1 Tesalonisensis 5:4

Abos, ermons, bo ka sta na sukuru pa ki dia paña bos suma ladron.

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

2 Pedru 2:6

I kondena prasas di Sodoma ku Gomora pa stragu kompletu; i bidanta elis sinsa; i fasi elis isemplu pa kilis ku ka ta mporta ku Deus.

2 Pedru 2:9

Asin Siñor i sibi libra di tentason kilis ku rispital; i ta guarda ki maus te dia di juisu pa e kastigadu.

2 Pedru 3:7

ma seu ku tera di aos, ki mesmu palabra di Deus na guardal pa fugu; i na guardadu suguru pa dia di juisu, ora ku jinti ku nega Deus na kabadu ku el.

1 Jon 4:17

Amor i kompletadu na nos pa no pudi ten fiansa na dia di juisu, pabia suma ku Jesus sedu, asin ku no sedu tambi ne mundu.

Judas 1:6

Suma tambi anjus ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.

Judas 1:7

Bo lembra tambi di Sodoma ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.