Markus 8:2 - BIBLIA - traduson antigu in Krioulo

² “N ten pena de jinti, pabia e sta ja tris dia ku mi; nada di kume e ka tene.

Markus 8:2 ပူးပေါင်းရင်းမြစ်များ

1 Reis 19:6

Elias jubi, i oja lungu di si kabesa un pon kusñadu riba di brasas ku un jaru di yagu. I kume, i bibi, i torna dita.

Salmus 103:13

Suma pape ta sinti amor pa si fijus, asin ku SIÑOR ta sinti amor pa kilis ku rispital,

Salmus 145:15

Uju di tudu sta na bo; bu ta da elis se kumida na tempu sertu.

Salmus 145:8

SIÑOR i bon, i ta sinti pena; i ta tarda pa paña raiba; i ten garandi miserikordia.

Mikeias 7:19

Bu na torna ten pena di nos, bu na masa no maldadi, bu na bota tudu no pekadus na fundu di mar.

Mateus 14:14

Oca Jesus na disimbarka, i oja manga di jinti, i sinti garandi pena delis, i kura duentis na se metadi.

Mateus 20:34

Jesus sinti garandi pena delis, i toka elis na uju. Ki ora uju yabri ku elis. E pega tras di Jesus.

Mateus 9:36

I oja manga di jinti, i sinti garandi pena delis, pabia e na yandaba disorientadu, pirdidu, suma karnel ku ka tene bakiadur.

Markus 1:41

Jesus sinti pena del, i distindi mon, i toka nel, i falal: “N misti. Fika limpu!”

Markus 5:19

ma Jesus ka seta. I falal: “Riba pa bu kasa, nunde bu familia, bu konta elis kusa garandi ku Siñor fasi pa bo, manera ki ten pena di bo.”

Markus 6:32

E kamba na un barku, elis son, e bai pa un kau dingidu.

Markus 6:34

Oca ki disimbarka, Jesus oja ki garandi multidon, i sinti pena delis, pabia e staba suma karnel ku ka tene bakiadur. I kumsa na nsina elis manga di kusa.

Markus 8:3

Si N manda elis pa kasa sin kume nada, e na dismaja na kamiñu, pabia utrus bin di lunju.”

Markus 9:22

Manga di bias spiritu ta batil na fugu o na yagu, pa matal, ma si bu pudi fasi kualker kusa pa el, ten pena di nos, bu judanu.”

Lukas 15:20

I lanta ki ora, i bai pa si pape. Oca i staba inda lunju, si pape ojal, i sinti garandi pena del, i kuri, i barsal, i dal beẑu.

Lukas 7:13

Oca ku Siñor oja ki minjer, i sinti garandi pena del, i falal: “Ka bu cora.”

Ebreus 2:17

E ku manda i tenba ku fasidu suma si ermons na tudu manera, pa i pudi sedu ŝef di saserdoti ku ta mostra pena, ku sedu fiel na si tarbaju dianti di Deus pa yangasa purdon di pekadu di pobu.

Ebreus 4:15

No ka tene un ŝef di saserdoti ku ka pudi ten pena di no frakesa, ma un ku tentaduba na tudu, suma nos, ma ku nunka ka peka.

Ebreus 5:2

Suma el propi i fraku na manga di manera, i pudi mostra manga di pasensa pa kilis ku ka sibi, ku ta yara.