Markus 13:9 - BIBLIA - traduson antigu in Krioulo

⁹ “Abos propi, bo toma sintidu. Pabia di mi bo na ntregadu na justisa; bo na sutadu na kasas di juntamentu; tambi bo na lebadu dianti di gubernaduris ku reis, pa bo pudi konta di mi se dianti.

Markus 13:9 ပူးပေါင်းရင်းမြစ်များ

Mateus 5:22

Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.

Markus 1:44

i falal: “Jubi, ka bu konta ningin nada. Bai pa saserdoti, bu mostral bu kurpu, bu da Deus oferta ku Moisés manda, manera ku bu sta ja limpu. Es i ta sirbi proba kuma bu sta kuradu.”

Markus 13:5

Jesus fala elis: “Bo toma sintidu pa ka ningin ngana bos.

Markus 13:8

Nason ten ku lanta kontra nason, renu kontra renu. Con na tirmi na manga di parti; fomi na ten. E kusas na parsi suma purmeru dur di partu.

Markus 6:11

Si jinti di utru tabanka ka risibi bos, e ka misti sukuta bos, ora ku bo na sai la, bo konkoñi puera ku sta na bo pe, pa sinal kontra elis.”

Lukas 9:5

ma na prasa ke ka risibi bos, ora ku bo na sai, bo konkoñi puera di bo pe pa i sedu sinal kontra elis.”

Bon Noba di Jesus Kristu ku Jon 15:20

Bo lembra de palabra ku N fala bos kuma, servu i ka mas garandi di ki si patron. Si e pirsigin, e na pirsigi bos tambi; si e obdisi ña palabra, tambi e na obdisi di bos.

Bon Noba di Jesus Kristu ku Jon 16:2

E na serka bos di kasas di juntamentu; i na ciga un dia ku kualker ku mata bos i na kuda kuma i fasi tarbaju pa Deus.

Atus 21:11

I bin nunde nos, i toma sintu di Paulu, i mara si propi pe ku mon, i fala: “Spiritu Santu fala kuma, asin ku judeus la na Jerusalen na mara omi ku tene e sintu, e na ntregal na mon di jintius.”

Atus 7:54

Oca ke obi ki palabra, e raiba na se korson; e ñeme dinti kontra Stevon.

Atus 9:16

Ami propi N na mostral kantu kusas ki ten ku sufri pabia di ña nomi.”

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

2 Tesalonisensis 1:5

Es tudu ta proba kuma julgamentu di Deus i justu; i pa bo sedu mersidur di renu di Deus ku bo na sufri tambi pa el.

2 Jon 1:8

Bo toma sintidu ku bo kabesa, pa ka bo pirdi kil ku no tarbaja pa el, ma pa bo risibi pagamentu kompletu.

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.